بۇل ءىسىن باستاۋ ءۇشىن «اگرارلىق نەسيە كورپوراتسياسى» اق ارقىلى «اۋىلدىق جەرلەردە شاعىن جانە ورتا بيزنەستى دامىتۋ» باعدارلاماسىمەن جەڭىلدەتىلگەن نەسيە الۋىنا تۋرا كەلدى. ءسويتىپ, «جىبەك» ءجۇن وڭدەۋ تسەحىن اشتى.
«اجەم ىسمەر جان ەدى. ونىڭ بۇل ءىسىن جالعاستىرىپ, كوپ جىلدان بەرى ۇيدەن ءىس تىگەتىن ەدىم. تۇرعىنداردان تاپسىرىس كوبەيدى. سول سەبەپتەن, كاسىبىمدى كەڭەيتۋدى ويلاپ, تسەحتى ىسكە قوستىم. وعان اجەم جىبەكتىڭ اتىن بەرۋدى ءجون كوردىم. نەگىزگى جۇمىسىمىز – ءجۇن وڭدەۋ, ءتۇتۋ, قۇراق قۇراۋ, ەسكى كورپەلەردى قايتا جاڭارتۋ. قازىر بۇل ءىستىڭ ءبارىن اۆتوماتتاندىرىلعان اپپاراتتارمەن اتقارامىز. ءجۇندى جۋاتىن, تۇتەتىن, تىگەتىن, سىرىپ تىگەتىن, كەستەلەپ ورنەك سالاتىن ارنايى تىگىن ماشينالارىن ساتىپ الدىم. قىز جاساۋىن, كورپە, قورجىن, كاجەكەي تىگەمىز. ەندى ەر ادامدارعا ارنالعان كيىم تىگۋ ويىمدا بار», دەيدى ش.تورباەۆا.
ارينە, قۇراق كورپە جاساۋ – جەڭىل ءىس ەمەس. شولپان تورباەۆانىڭ ايتۋىنشا, بۇعان توزىمدىلىك تە, شەبەرلىك تە قاجەت. قازىر ونىڭ شەبەرحاناسىندا وسى ءىستىڭ قىر-سىرىن بىلەتىن 5 ادام جۇمىسپەن قامتىلعان. جۇمىسقا تارتىلعانداردىڭ ۇشەۋى – تىگىنشى, بىرەۋى – مەحانيك. الداعى ۋاقىتتا تاعى 10 ادامدى جۇمىسقا تارتۋدى ويلاستىرىپ وتىر.
«قاي ءىستىڭ دە قيىندىعى بار. اسىرەسە ماتەماتيكالىق بولشەكتەردەن تۇراتىن قۇراقتى ۇيلەسىمدى ەتۋ وڭاي ەمەس. سول سەبەپتەن, قىز جاساۋىن دايىنداۋعا ەكى اي ۋاقىت قاجەت. وسىعان بايلانىستى قۇندىلىعى دا, باعاسى دا جوعارىلايدى», دەيدى ول.
«اتامەكەن» ۇكپ ماحامبەت اۋداندىق فيليالىنىڭ باسشىسى جەكسەنباي پازۋلوۆتىڭ ايتۋىنشا, كاسىپكەرگە «پەرۆومايسكي» جشس-نان تۇيە ءجۇنىن الۋعا قولداۋ كورسەتىلگەن.
اتىراۋ وبلىسى
