قارجى مونيتورينگ اگەنتتىگىنىڭ حابارلاۋىنشا, ول مەگاپوليستىڭ ءبىلىم بەرۋ مەكەمەلەرىندە جەتىم بالالار, اتا-انالاردىڭ قامقورلىعىنسىز قالعان بالالارعا ارنالعان لاگەر ۇيىمداستىرۋ بويىنشا قىزمەت كورسەتۋشىدەن 12 ملن تەڭگەدەن استام سومادا 10% پارا الۋعا ارەكەت جاسادى دەگەن كۇدىككە ءىلىندى.
«پارا كومپانيانى كونكۋرس جەڭىمپازى دەپ تانۋ ءۇشىن بەرىلگەن. جەتكىزۋشى بالالار لاگەرىن تولىققاندى ۇيىمداستىرۋ ءۇشىن قاجەتتى ماتەريالدىق جانە ەڭبەك رەسۋرستارىنا يە بولماي, كونكۋرستىڭ جەڭىمپازى بولىپ تانىلعانى انىقتالدى. لاۋازىمدى ادام سوتتىڭ سانكتسياسىمەن قاماۋعا الىندى», دەلىنگەن حابارلامادا.
ايتا كەتەيىك, ءىس قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى. كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكسىنىڭ 19-بابى 1-بولىگىنە سايكەس, قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.
