جاڭا كىتاپتىڭ العاشقى ەستەلىگى قازاقستاننىڭ ەڭبەك ەرى, اقىن مۇحتار شاحانوۆپەن باستالىپتى. «ۇلتتىق مۇددەگە تەرەڭ تامىر جىبەرگەن قالدىبەكتىڭ ەڭ باستى قاسيەتى – ونىڭ شىندىق بيىگىنەن تابىلا بىلۋىندە», دەپ باعا بەرەدى ول.
تالانتتى كومپوزيتوردىڭ ەل ىشىنە تارالعان «قاريالار ازايىپ بارا جاتىر», «كىرمەشى ءجيى تۇسىمە», ء«ان-اعا نەمەسە شامشىمەن سىرلاسۋ», «جايىقتىڭ تولقىندارى» تۋىندىلارى حالىقتىڭ ءسۇيىپ تىڭدايتىن اندەرىنە اينالىپ, قازاق مۋزىكاسىنىڭ التىن قورىنا ەندى. اۆتور اتالعان جاڭا جيناققا ەكى جىل بويى دايىندالعان.
«ەكى جىل بۇرىن جۇرەگىمە كۇردەلى وتا جاسالدى. سول كەزدە قانشا عۇمىرىم قالدى ەكەن دەپ ويلادىم. امان قالدىم عوي, ايتەۋىر. كىتابىمدى كىم شىعارادى؟ ۇل-قىزدارىم بار عوي. بىراق ءوز اندەرىڭنىڭ تاعدىرىن وزىڭنەن ارتىق ەشكىم بىلمەيدى. اندەرىم – مەنىڭ پەرزەنتىم سياقتى. ارقايسىسىنىڭ مىنەزى بار. جۇرەگىمنەن جارىپ شىققان اندەرىمنىڭ حالىققا جەتكەنى دە, جەتپەگەنى دە بار. مويىندالعانى, ءالى ءانشىسىن تاپپاعاندارى بار. سوندىقتان وسى فوتوالبوم-كىتابىمدى شىعارعىم كەلدى. بۇل – مەنىڭ تۇڭعىش جاريالانىپ وتىرعان كىتابىم, العاشقى قارلىعاشىم. مەن وتىرىك ءان جازىپ, ءوزىمدى الداعان ەمەسپىن. 40-قا جۋىق ءان جازىپپىن. ونىڭ ىشىندە 10-عا جۋىعى – حالىققا تانىمال اندەر. مەن ونەرگە ادال بولعان جانمىن. ونەردەن باسقا مەنىڭ ەشكىمىم جوق», دەيدى ق.قۇرمانالى.
اتى اڭىزعا اينالعان «قازاق ءۆالسىنىڭ كورولى» ءشامشى قالداياقوۆپەن كوزى تىرىسىندە كەزدەسىپ, تىرناقالدى تۋىندىلارىنا وڭ باعاسىن العان كومپوزيتوردى كوپشىلىك بۇگىندە ء«شامشى اعانىڭ ەسكەگى», ء«شامشى مۇراسىنىڭ شىراقشىسى» اتاپ كەتكەن.
