فوتو: gov.kz
اتالعان ەلشىلىكتىڭ ءباسپاسوز قىزمەتىنىڭ حابارلاۋىنشا جاۋىنگەردىڭ مەدالونىندا ساقتالعان جازبا ارقىلى ونىڭ قىزىلوردا وبلىسىنا قاراستى قازالى اۋداندىق اسكەري كوميسسارياتىنان اسكەرگە شاقىرىلعانى, 144-اتقىشتار ديۆيزياسىنىڭ 785-اتقىشتار پولكىنىڭ قۇرامىندا سوعىسقانى, 1912 جىلى تۋىپ, 1941 جىلدىڭ 7 قاراشاسىندا ماسكەۋدى قورعاۋ كەزىندە قازا تاپقانى, جاۋىنگەردىڭ اتى-ءجونى سەيلان مامەتوۆ ەكەنى انىقتالعان.
اتالعان شارادا قازاقستاننىڭ رەسەيدەگى ەلشىسى داۋرەن اباەۆ: «سول كەزدەگى ادامداردىڭ ەرلىگى تۋرالى ەستەلىك وتانداستارىمىزدىڭ جۇرەگىندە ماڭگى قالادى, كىتاپتاردا, اندەردە, مونۋمەنتتەردە, مەموريالداردا, مۇراجايلار ەكسپوزيتسيالارىندا جانە كوشە اتاۋلارىندا بەينەلەنەدى», دەپ اتاپ ءوتتى.
سەيلان مامەتوۆتىڭ تۋىستارى ءالى تابىلعان جوق. جاۋىنگەر سۇيەگى قازاقستانعا جەتكىزىلىپ, اسكەري قۇرمەتپەن جەرلەنەدى.
