gov.kz
رەسەيدىڭ «يزۆەستيا» باسىلىمىنا بەرگەن سۇحباتىندا روسكوسموس باسشىسى يۋري بوريسوۆ قازاقستان مەن رەسەيدىڭ عارىش كەڭىستىگىن يگەرۋدەگى ىنتىماقتاستىعى تۋرالى ايتتى.
ونىڭ پايىمىنشا, ەكى ەلدىڭ عارىش سالاسىنداعى تاريحي ارىپتەستىگى تەرەڭدەپ, الداعى ۋاقىتتا دا قارقىندى دامىماق.
يۋ.بوريسوۆ باسىلىمعا بەرگەن سۇحباتىندا: ء«بىز قازاقستاننان وربيتاعا عارىشكەر ۇشىرۋدى تالقىلاپ جاتىرمىز, بۇل عارىشتى يگەرۋدەگى تىعىز بايلانىسىمىزدى ايقىنداي تۇسەدى» دەدى. قازاقستان جاقىندا روسكوسموسقا بايلانىس سپۋتنيگىن ازىرلەۋ جونىندە سۇرانىس جىبەرگەنىن دە ايتتى.
قازاقستاننان وسى كۇنگە دەيىن عارىش كەڭىستىگىنە ءۇش ازامات ۇشتى. توقتار اۋباكىروۆ, تالعات مۇساباەۆ, ايدىن ايىمبەتوۆتەن كەيىنگى ءتورتىنشى عارىشكەردىڭ دە وربيتاعا ساپار شەگەتىن كۇنى الىس ەمەس سەكىلدى.
