جيىندى اشقان قازاقستان رەسپۋبليكاسىنىڭ سينگاپۋر, اۆستراليا وداعى مەن جاڭا زەلاندياداعى ەلشىسى اسقار قۇتتىقادام: «قازاقستان مەن سينگاپۋر - تۇراقتى ساياسي ديالوگ پەن ەكونوميكالىق بايلانىستارعا نەگىزدەلگەن بەرىك ءارى ۇزاق مەرزىمدى ارىپتەستىك قۇرعان دوس مەملەكەتتەر. ءبىز سينگاپۋردى وڭتۇستىك-شىعىس ازياداعى باستى ساياسي-ەكونوميكالىق سەرىكتەس رەتىندە كورەمىز. ءوز كەزەگىندە قازاقستان سينگاپۋردىڭ ورتالىق ازيا ەلدەرى اراسىنداعى جەتەكشى سەرىكتەسى رەتىندەگى ءرولىن نىعايتۋعا نيەتتى. سينگاپۋردىڭ 8-ءشى پرەزيدەنتى اسا مارتەبەلى حاليما ياكوب حانىمنىڭ بيىل مامىر ايىنداعى قازاقستانعا جاساعان تاريحي مەملەكەتتىك ساپارى سەرىكتەستىگىمىزدىڭ جاڭا كەزەڭىن اشتى. بۇل وقيعانىڭ باستى ناتيجەسى ءارتۇرلى سالالارداعى ەكىجاقتى قاتىناستاردى دامىتۋ بويىنشا ءوزارا مىندەتتەمەلەردى نىعايتۋ بولدى», دەدى.
پانەلدىك سەسسياعا قاتىسۋشىلار كوپتەگەن ماسەلەلەر بويىنشا ءوز بىلىمدەرى مەن ۇسىنىستارىن العا تارتتى. مارتەبەلى بايانداماشىلار اراسىندا تەك كحان ونگ (Templeton Asset Management كومپانياسىنىڭ باس ديرەكتورى), الەكسيس نگ (Ashmore سينگاپۋر وكىلدىگىنىڭ باسشىسى جانە ازيا-تىنىق مۇحيتى ايماعى بويىنشا ديرەكتورى), دجەيمس تان (Quest Ventures باسقارۋشى سەرىكتەسى) سەكىلدى تۇلعالار ءسوز سويلەدى. پانەلدىك سەسسيانى Das Family Office-ءتىڭ سەرىكتەس ءارى ستراتەگى راينەر مايكل پرايس جۇرگىزدى.
احقو باسقارۋشىسى رەنات بەكتۇروۆ ەلدەر اراسىنداعى ەكىجاقتى قاتىناستاردىڭ پەرسپەكتيۆالارى جانە ىنتىماقتاستىقتىڭ نەگىزگى كورسەتكىشتەرى تۋرالى ايتىپ بەردى: «قازاقستان جانە سينگاپۋر ورتالىق ازيا مەن وڭتۇستىك-شىعىس ازيا ايماعىندا ەكى ءىرى ساۋدا ءارى ينۆەستيتسيالىق ارىپتەس بولعاندىقتان, ءبىزدىڭ ەلدەرىمىز اراسىنداعى قاتىناستاردىڭ نەگىزگى قۇرامداس بولىگى ەكونوميكالىق ىنتىماقتاستىق ەكەندىگى ءسوزسىز. سينگاپۋردىڭ قازاقستانعا سالعان ينۆەستيتسيالارىنىڭ جالپى كولەمى 1,35 ملرد دوللاردان اسىپ كەتتى. قازاقستاندا قارجى جانە ساقتاندىرۋ قىزمەتىن, وڭدەۋ, تاۋ-كەن ونەركاسىبى سياقتى اۋقىمدى سالالاردى قامتيتىن 90 بىرلەسكەن كاسىپورىندار جۇمىس ىستەيدى. بۇدان بولەك, ەلىمىزدە كوتەرمە جانە بولشەك ساۋدادا, كاسىپتىك, عىلىمي-تەحنيكالىق سالالاردا 143 سينگاپۋرلىق كومپانيا جۇمىس ىستەيدى. ورتا ءدالىز دەپ اتالاتىن ترانسكاسپي حالىقارالىق كولىك باعىتى ەكى سەرىكتەس مەملەكەت ءۇشىن دە جوعارى كولىك الەۋەتىن كورسەتىپ وتىر. احقو وسى جانە باسقا دا ترانسۇلتتىق جوبالاردى ءتيىمدى ىسكە اسىرۋدى قامتاماسىز ەتۋ ءۇشىن ينفراقۇرىلىمدى ۇسىنۋدى جالعاستىرىپ كەلەدى».
ءىس-شارا اياسىندا ەكى پانەلدىك سەسسيا ءوتتى. ءبىرىنشى سەسسيا ءوزىنىڭ قارقىندى ءوسۋىنىڭ ارقاسىندا وزىنە نازار اۋدارتقان تەحنولوگيالىق تۇرعىدان دامىعان AIX قور بيرجاسىنىڭ پايدا بولۋى جاعدايىندا قازاقستاننىڭ كاپيتال نارىعىنداعى تارتىمدى ينۆەستيتسيالىق مۇمكىندىكتەردى زەرتتەۋگە ارنالدى.
ەكىنشى پانەلدىك سەسسيا احقو-نىڭ وڭىردەگى اكتيۆتەردى باسقارۋ يندۋسترياسىن دامىتۋداعى الەۋەتىن, سونداي-اق ورتالىق ازيا ءوڭىرىنىڭ نارىعىنا شىعۋعا ۇمتىلاتىن وسى سالانىڭ جاھاندىق كومپانيالارى الدىندا تۇرعان پەرسپەكتيۆالار مەن پروبلەمالاردى زەردەلەۋگە باعىتتالدى.
احقو اكىمشىلىگى باسقارما توراعاسىنىڭ م.ا. تەمىرلان مۇحانبەتجانوۆتىڭ ايتۋىنشا: «احقو يۋريسديكتسياسى كومپانيالارعا ايتارلىقتاي ارتىقشىلىقتار بەرەدى, سونىڭ ىشىندە اعىلشىن جالپى قۇقىق قاعيداتتارىنا نەگىزدەلگەن قۇقىقتىق بازا, تاۋەلسىز قارجىلىق رەتتەۋ, داۋلاردى شەشۋدىڭ بەيتاراپ تەتىكتەرى, يكەمدى كورپوراتيۆتىك باسقارۋ جانە قولايلى سالىق رەجيمى. احقو كەڭ سپەكترلىك قىزمەت ۇسىنا وتىرىپ, تەك قارجىلىق كومپانيالاردى عانا ەمەس, سونداي-اق قارجىلىق ەمەس كومپانيالاردى, كاسىبي قىزمەت كورسەتۋشىلەردى دە تىركەپ جاتىر. بۇگىندە احقو يۋريسديكتسياسىندا كريپتوماينينگ جانە دەرەكتەردى وڭدەۋ, IT, باعدارلامالىق قامتاماسىز ەتۋدى ازىرلەۋ, ساۋدا, قارجىلىق قىزمەتتەر جانە ت.ب. سالالاردا قىزمەت كورسەتەتىن 29 سينگاپۋرلىق قاتىسۋشى كومپانيا ءوز بيزنەسىن بەلسەندى تۇردە دامىتىپ وتىر».
اتالعان بيزنەس وتىرىس ءوزارا تاجىريبە مەن ءبىلىم الماسۋعا, تاراپتار اراسىنداعى تۇسىنىستىك پەن بايلانىستى ىلگەرىلەتۋگە ىقپال ەتە وتىرىپ, ينۆەستيتسيالاردى تارتۋعا جاردەمدەسۋگە, كاپيتالدىڭ سەرپىندى ءارى ءوتىمدى نارىعىن قۇرۋعا جانە يننوۆاتسيالاردى ىنتالاندىرۋعا جۇمىس ىستەپ جاتقان قارجى ورتالىعى – احقو شەڭبەرىندە ىسكەرلىك بايلانىستار ورناتۋدىڭ ماڭىزدىلىعىن كورسەتتى. قارجى نارىعىنىڭ الدىڭعى شەبىندە بولا وتىرىپ, احقو قازاقستانعا الەمنىڭ تۇكپىر-تۇكپىرىنەن كەلىپ جاتقان ينۆەستورلارعا ۇسىناتىن مۇمكىندىكتەردى ارى قاراي ىلگەرىلەتۋدى جالعاستىرا بەرەدى.
