فوتو: اشىق دەرەككوز
سونداي-اق Moody’s Investors Service ۇزاق جانە قىسقا مەرزىمدى كونتراگەنتتىك تاۋەكەل رەيتينگتەرىن Baa2/P-2 دەڭگەيىندە, ۇلتتىق ۆاليۋتاداعى دەپوزيتتەر بويىنشا ۇزاق مەرزىمدى جانە قىسقا مەرزىمدى رەيتينگتەر Baa2/P-2 دەڭگەيىندە, كونتراگەنتتەردىڭ تاۋەكەلدەرىن باعالاۋ Baa2/P-2 دەڭگەيىندە راستادى. وتباسى بانكىنىڭ كرەديتتىك قابىلەتتىلىگىنىڭ نەگىزگى (BCA) جانە تۇزەتىلگەن BCA باعالاۋى ba2 دەڭگەيىندە ساقتالدى.
Moody's اگەنتتىگىنىڭ مالىمەتتەرى بانكتىڭ جۇمىس تۇراقتىلىعىن كورسەتىپ وتىر.
ەلدەگى بارلىق يپوتەكالىق پورتفەلدەگى بانكتىڭ ۇلەسى 56% (2023 جىلدىڭ 1 قازانداعى جاعداي بويىنشا).
قازىرگى ۋاقىتتا تۇرعىن ءۇي قۇرىلىس جيناق جۇيەسىنە قاتىسۋشىلاردىڭ سانى 2,7 ملن ادامدى نەمەسە باعالاۋ كورسەتكىشتەرى بويىنشا ەكونوميكالىق بەلسەندى حالىقتىڭ 28 پايىزىنا تەڭ.
بيىلدىڭ وزىندە 377 070 قازاقستاندىق تۇرعىن ءۇي قۇرىلىس جيناق جۇيەسىنىڭ جاڭا قاتىسۋشىسى اتاندى.
2023 جىلى 52 672 بانك كليەنتى تۇرعىن ءۇي جاعدايىن جاقسارتۋ ءۇشىن نەسيە الدى. وتباسى بانكىنەن بەرىلگەن زاەمداردىڭ ورتاشا سوماسى 17,3 ملن تەڭگەگە تەڭ.
وتباسى بانكىنىڭ نەسيە پورتفەلى 2023 جىلدىڭ 1 قاراشاسىنداعى جاعداي بويىنشا 3 147 157 ملن تەڭگەنى, ال دەپوزيتتىك پورتفەلى 2 237 066 ملن تەڭگەنى قۇرادى.
وتباسى بانكىنىڭ NPL كورسەتكىشتەرى ەكىنشى دەڭگەيلى بانكتەر اراسىندا ەڭ تومەنگى دەڭگەيلەردىڭ بىرىنە يە. قازىرگى ۋاقىتتا نەسيە پورتفەلىندەگى مەرزىمى 90 كۇننەن اساتىن بەرەشەگى بار زاەمداردىڭ كولەمى 0,08% تەڭ, بۇل كورسەتكىش بويىنشا نارىقتاعى ورتاشا دەڭگەي 3,27% قۇرايدى.
