اق امۋر 30 كگ-عا دەيىن سالماق قوسادى, تابيعي ورتادا تەز وسەدى. مامانداردىڭ ايتۋىنشا, بالىقتىڭ بۇل ءتۇرى رەزەرۆۋاردىڭ سانيتارى بولىپ سانالادى, ارتىق وسىمدىكتەردى جەپ, توعاندى بالدىرلاردان تازارتادى.
«بۇگىن ەسىل وزەنىنە ەكى جاسار 100 مىڭ اق امۋر جىبەرىلدى. بالىق اۋلاۋ ۇدەرىسى بالىق شارۋاشىلىعىنىڭ عىلىمي-وندىرىستىك ورتالىعىنىڭ ۇسىنىستارىنا نەگىزدەلەدى. بۇل رەتتە سۋ ايدىندارىنداعى ءتۇرلى اراقاتىناستاعى بالىق سانىن ولشەۋدىڭ ورتاشا ستاتيستيكالىق ناتيجەلەرى دە قاپەرگە الىنىپ وتىرادى», دەدى استانا قالاسىنىڭ ەسىل وبلىسارالىق بالىق شارۋاشىلىعى باسسەيندىك ينسپەكتسياسى ءبولىمىنىڭ باسشىسى جانگەلدى قاراباەۆ.
بالىق اۋلاۋ بويىنشا جوسپارلى جۇمىسقا استانالىق قورشاعان ورتانى قورعاۋ جانە تابيعاتتى پايدالانۋ باسقارماسى, ەسىل وبلىسارالىق بالىق شارۋاشىلىعى باسسەيندىك ينسپەكتسياسى, سۋ رەسۋرستارىن پايدالانۋدى رەتتەۋ جانە قورعاۋ جونىندەگى ەسىل باسسەيندىك ينسپەكتسياسى, اقمولا وبلىسى بويىنشا BD بالىق شارۋاشىلىقتارى قاۋىمداستىعى, «بالىق شارۋاشىلىعىنىڭ عىلىمي-وندىرىستىك ورتالىعى» جشس سولتۇستىك فيليالى, «بۇقتىرما» ۋىلدىرىق شاشۋ جانە ءوسىرۋ شارۋاشىلىعى» جشس قىزمەتكەرلەرىنەن تۇراتىن ارنايى كوميسسيا جۇمىلدىرىلدى.
