سيانشان فورۋمىنا قورعانىس ۆەدومستۆولارىنىڭ, حالىقارالىق ۇيىمداردىڭ باسشىلارى, بەلگىلى عالىمدار, ەكس-ساياساتكەرلەر جانە جەتەكشى ساراپشىلار شاقىرىلعان.
حالىقارالىق فورۋم اياسىندا قازاقستان قورعانىس ءمينيسترى گەنەرال-پولكوۆنيك رۋسلان جاقسىلىقوۆ قكپ ورتالىق اسكەري كەڭەسى توراعاسىنىڭ ورىنباسارى گەنەرال-پولكوۆنيك حە ۆەيدۋنمەن كەزدەستى. وعان سونداي-اق قازاقستاننىڭ قىتايداعى توتەنشە جانە وكىلەتتى ەلشىسى شاحرات نۇرىشەۆ تا قاتىستى. تاراپتار قازاقستان مەن قىتايدىڭ قورعانىس سالاسىنداعى ەكىجاقتى ىنتىماقتاستىعىنىڭ قازىرگى جاعدايى مەن كەلەشەگىن تالقىلادى.
سونىمەن بىرگە بەيجىڭدە قازاقستاننىڭ قورعانىس ءمينيسترى قارۋ-جاراق پەن اسكەري تەحنيكا وندىرىسىنە ماماندانعان قورعانىس-ونەركاسىپ كەشەنى كاسىپورىندارىنىڭ جۇمىسىمەن, ولاردىڭ ونىمدەرىمەن تانىسۋدى جوسپارلاپ وتىر. ولاردىڭ قاتارىندا سATIC ۇلتتىق اەرو-تەحنولوگيالىق كورپوراتسياسى مەن قىتايلىق NORINCO cولتۇستىك ونەركاسىپتىك كورپوراتسياسى بار.
