فوتو: Turizm_zhane_sport_ministrligi
كۇندىزگى سەسسياداعى ءۇش جەكپە-جەكتىڭ ەكەۋىندە قارسىلاستارىنان باسىم تۇسكەن, جارتىلاي فينالدا چەحيالىق وندرەي بوشاكتى ۇتقان, كۋميتە باعدارلاماسىندا فينالعا شىققان ديدار اناربەكوۆ (+84 كگ) الاڭ يەسى ساناد سۋفيانيگە جول بەرىپ, 2-ورىن الدى.
ەسكە سالايىق, قازاقستان قۇراماسىنان وسىعان دەيىن كۋميتە باعدارلاماسىندا 55 كگ دەيىنگى سالماق بويىنشا بەللا ساماشەۆا كۇمىس جۇلدەگەر اتانعان بولاتىن.
ال 68 كگ دەيىنگى سالماقتاعى نۋريا ءتىزىمباي ءوز توبىندا ءبىرىنشى ورىن العانىمەن, جارتىلاي فينالدا تاجىريبەلى ماروككولىق ۆيسسال ەززاردى ۇتا المادى.
كاراتەشىلەردىڭ اعا باپكەرى شاتتىق قاجىمۇقاننىڭ ايتۋىنشا ەكى كۇنگە سوزىلعان كاراتەشىلەر ايقاسىندا 3 مەدال الدىق, ەكى كۇمىس, ءبىر قولا. ۇلتتىق قۇراما ساپىندا بارلىعى 7 سپورتشى بارىپ, قاتىسقان. وكىنىشكە قاراي, نيكول تسەنگەل جاراقات الىپ, جارىستى ەرتە اياقتاۋعا ءماجبۇر بولعان. جارىس جالپى ءبىزدىڭ كاراتەشىلەرگە زور تاجىريبە جيناۋعا سەپتىگىن تيگىزگەن.
ايتا كەتسەك, قازاقستان دەلەگاتسياسى وسىعان دەيىن بەيجىڭ مەن سانكت-پەتەربۋرگتە وتكەن جاۋىنگەرلىك ونەر ويىندارىندا WKF كاراتەدەن مەدال الماعان.
