ماقساتتى جاردەماقى

2023 جىلدىڭ 1 قازا­نىن­دا­عى جاعدايعا سايكەس مۇ­گە­دەك­تى­گى بويىنشا – 538,4 مىڭ ادام, ال اسىراۋشىسىنان ايىرىلۋ جاعدايى بو­يىنشا شامامەن 159,5 مىڭ ادام مەملەكەتتىك الەۋ­مەت­تىك جاردەماقى ء(ماج) الادى. مۇگەدەكتىگى بويىنشا­ ءماج كولەمى مۇگەدەكتىكتىڭ توبى­نا جانە سەبەبىنە, سونداي-اق «رەسپۋبليكالىق بيۋدجەت تۋرا­­لى» زاڭدا بەلگىلەنگەن ەڭ تو­مەنگى كۇنكورىس دەڭگەيىنىڭ شا­ما­­سىنا بايلانىستى بولادى. اسى­راۋ­شى­سىنان ايى­رىلۋ جاع­دايى بويىنشا ءماج كولەمى قاي­تىس بولعان اسى­راۋشىنىڭ اسى­را­ۋىنداعى ادام­داردىڭ سانىنا, قاي­تىس بولۋ سەبەپتەرىنە جانە ەڭ تو­مەنگى كۇن­كو­رىس دەڭگەيىنە قاراي بەل­گى­لەنەدى.

وسى ساناتتاعى جاردەم­اقى­لار كولەمى بيىل 1 قاڭ­تار­دان باستاپ ەڭ تومەنگى كۇنكورىس دەڭ­گەيىنىڭ ۇلعايۋىنا بايلانىس­تى­ 8,5%-عا ءوستى, سونداي-اق 1 شىل­دەدەن باستاپ ورتاشا ەسەپپەن 14,5%-عا قوسىمشا ارتتىرىلدى. ماسە­لەن, شىلدە­دەن باس­تاپ جالپى­ اۋرۋ­دان مۇگەدەكتىگى بويىنشا­ ءماج كولەمى 1-توپ ءۇشىن – 89 248 تەڭگەنى, 2-توپ ءۇشىن – 71 398 تەڭ­گە­نى, 3-توپ ءۇشىن 48 681 تەڭگەنى قۇ­راي­دى.

بۇعان قوسا مىندەتتى الەۋ­مەتتىك ساقتاندىرۋ جۇيە­سى­نە قاتىسۋشىلارعا الەۋمەت­تىك تاۋە­كەلدەر تۋىنداعان جاع­دايدا ماسق-تان الەۋ­مەتتىك تولەمدەر جۇزەگە اسىرىلادى. بيىلعى 9 ايداعى جاعداي بو­يىنشا 96,2 مىڭ ادام ەڭبەك ەتۋ قابىلەتىنەن ايىرىلۋ بو­يىنشا الەۋمەتتىك تولەم, ال 61,7 مىڭعا جۋىق وتباسى اسىراۋشىسىنان ايىرىلۋ بو­يىنشا الەۋمەتتىك تولەم الدى. بۇل تولەمدەردىڭ كولەمى جەكە جانە مىنالارعا بايلانىستى: سوڭعى 2 جىلداعى ماسق-قا الەۋمەتتىك اۋدارىمدار جۇرگىزىلگەن ورتاشا ايلىق تابىس, ەڭبەككە قابىلەتتىلىگىنەن ايىرىلۋ كوەففيتسيەنتتەرى, اسىراۋىنداعى ادامدار سانى, مىندەتتى الەۋمەتتىك ساق­تان­دى­رۋ جۇيەسىنە قاتىسۋ ءوتىلى جانە تابىستى اۋىستىرۋ.

1 قازانداعى دەرەك­كە سۇيەن­سەك, الەۋمەتتىك تولەم­دەردىڭ ورتاشا كولەمى ەڭبەككە قابى­لەت­تىلىگىنەن ايىرىلۋ بويىنشا – 45 943 تەڭگەنى, اسىراۋشىسىنان ايىرىلۋ بويىنشا 50 376 تەڭگەنى قۇرادى.

سونىمەن قاتار جىل باسىنان بەرى كوپبالالى­ وتبا­سى­لارعا بەرىلەتىن مەم­لە­كەتتىك جاردەماقىمەن ورتا ەسەپپەن 539,6 مىڭ وتباسى جالپى سوماسى 304 ملرد تەڭگە كولەمىندە قامتىلدى. ونىڭ ىشىندە قىركۇيەك ايىندا 497,5 مىڭ وتباسىنا 31 ملرد تەڭگە كولەمىندە جاردەماقى تولەندى. بۇعان قوسا بيىل 1 قازانداعى جاعداي بويىنشا 107,8 مىڭ وتباسىنداعى 565,7 مىڭ ادامعا اتاۋلى الەۋمەتتىك كومەك (ااك) تاعايىندالدى. بيىل وسى ماقساتتارعا بيۋدجەتتەن 65,7 ملرد تەڭگە ءبولىندى.