جالپى اتاۋى ء«بىز» دەپ اتالاتىن ەكسپوزيتسياعا اۆتوردىڭ پورترەت جانرىندا سالىنعان 40-تان استام تۋىندىسى قويىلعان. سالتاناتتى راسىمگە كەلگەن ونەرتانۋشى ماماندار جاستىعىنا قاراماستان ەكاتەرينانىڭ وزىندىك قولتاڭباسى ايقىندالىپ قالعانىن, بولاشاعىنان ۇلكەن ءۇمىت كۇتتىرەتىن دارىندى سۋرەتشى ەكەنىن ايتتى.
جاس سۋرەتشى, شىعارمالارىندا كوبىنە, قارىنداش, گۋاش, اكۆارەل جانە مايلى بوياۋ پايدالانعان. اۆتور تۋىندىلارىنىڭ تاقىرىبى دا الۋان ءتۇرلى بولىپ كەلەدى. كەنەپ بەتىندەگى كورىنىستەردىڭ كوركەمدىك ەرەكشەلىگى ءتىپتى كەرەمەت. ەكاتەرينا قازاق دالاسىنداعى مامىراجاي تىرشىلىك كورىنىستەرى, تاريحي تۇلعالار, ۇلتتىق سالت-ءداستۇر تاقىرىپتارىنا دا بويلاپ بارىپ, عاجايىپ شىعارمالار تۋدىرىپ ءجۇر.
اۆتور شىعارماشىلىعىنىڭ تاقىرىپتىق اۋقىمى كەڭ ەكەنى بىردەن كوزگە ۇرىپ تۇر. ەكاتەرينانىڭ قالامىنان شىققان پورترەتتەردە بۇگىنگى قوعامنىڭ جارقىن تۇستارى, جاراسىمدى تىرشىلىك پەن ادام ومىرىندەگى شۋاقتى ساتتەر, زامانداستار اراسىنداعى جىلىلىق سياقتى ماسەلەلەرمەن قاتار, قاراپايىم قارتتاردىڭ, جۇمىسشىلاردىڭ, اس ۇيدەگى باقىتتى ايەلدىڭ بەينەلەرى شىنايى كورىنىس تاپقان.
ۇيىمداستىرۋشىلاردىڭ ايتۋىنشا, كورمە قازان ايىنىڭ سوڭىنا دەيىن جۇمىس ىستەيدى.
قوستاناي وبلىسى
