وقۋ-اعارتۋ مينيسترلىگى تاراتقان اقپاراتقا سۇيەنسەك, ءبىلىم بەرۋ نىساندارىنىڭ 6-اۋى الماتى وبلىسىندا, 3-ەۋى استانا قالاسىندا, 2-ەۋى قىزىلوردا وبلىسىندا جانە ءبىر-بىردەن باتىس قازاقستان, جامبىل وبلىستارىندا ورنالاسقان.
«قىزمەتىن سىبايلاس جەمقورلاردان تاركىلەنگەن قاراجات ەسەبىنەن جۇرگىزەتىن ءبىلىم بەرۋ ينفراقۇرىلىمىن قولداۋ قورى ءۇش اۋىسىمدى, اپاتتى مەكتەپتەردى, وقۋشى ورنى تاپشىلىعىن جويۋ ماقساتىندا قۇرىلدى. ىرىكتەۋ 11 باسىمدىق بويىنشا جۇرگىزىلەدى. ەڭ الدىمەن, بۇرىن باستالعان مەكتەپتەردىڭ قۇرىلىسىن اياقتاۋ كوزدەلىپ وتىر. بۇگىنگى تاڭدا قور 76 738 ورىندى 62 مەكتەپتىڭ قۇرىلىسىن قارجىلاندىردى. قاراجات جەرگىلىكتى اتقارۋشى ورگانداردىڭ ەسەپشوتىنا اۋدارىلدى», دەلىنگەن مينيسترلىكتىڭ حابارلاماسىندا.
مەملەكەت جىل سايىن مەكتەپتەردى سالۋ مەن جاڭعىرتۋعا قارجى ءبولىپ كەلەدى. وقۋ جىلىنىڭ باسىنان بەرى ەلىمىزدە 55 مىڭ ورىندىق 39 جاڭا مەكتەپ اشىلدى. 2023-2024 وقۋ جىلىندا باس-اياعى 132 مىڭ ورىندىق 154 مەكتەپتى پايدالانۋعا بەرۋ جوسپارلانعان. بۇل 12 اپاتتى جانە 29 ءۇش اۋىسىمدى مەكتەپ ماسەلەسىن شەشەدى.
سونىمەن قاتار «جايلى مەكتەپ» ۇلتتىق جوباسىن ىسكە اسىرۋ باستالدى. ونىڭ اياسىندا 740 مىڭ ورىندىق 369 مەكتەپ سالۋ جوسپارلانىپ وتىر.
