ء«ىV جازعى ازيا پاراويىندار 22-28 قازان ارالىعىندا قىتايدىڭ حانچجوۋ قالاسىندا وتەدى. جالپى, سپورتشىلار 22 سپورت تۇرىنەن 564 جۇلدەنى ساراپقا سالادى. ال ءبىزدىڭ پاراسپورتشىلار 14 سپورت تۇرىنەن 131 وتانداسىمىز باق سىنايدى. سپورت تۇرلەرىنە كەلسەك, پارادزيۋدو, پاراپاۋەرليفتينگ, ءپاراجۇزۋ, پاراكانوە, پاراجەڭىل اتلەتيكا, پاراتاەكۆوندو, پاراوق اتۋ, پاراساداق اتۋ, وتىرىپ ويناۋ ۆولەيبولى, پاراۇستەل تەننيسى, پاراۆەلوسپورت, پارااكادەميالىق ەسۋ, شاحمات, بوچچا سپورت تۇرلەرى بولادى», دەدى س.قۇرانبەك.
سپيكەردىڭ ايتۋىنشا, ازيا پاراويىندار كەشەندى جارىس بولعاندىقتان جاۋاپكەرشىلىك جوعارى. ويتكەنى ازيا پاراويىنداردا رەيتينگ ءۇشىن ۇپايلار جينالادى. سونداي-اق كەلەسى جىلدىڭ ماۋسىم ايىنا دەيىن وتەتىن حالىقارالىق باسەكەلەردە پاريج پاراليمپياداسىنىڭ جولداماسى ساراپقا سالىنادى.
«وسى كۇنگە دەيىن ۇلتتىق قۇراما ازيا پاراويىندارعا دايىندىقتى پىسىقتاۋ ماقساتىندا 14 سپورت ءتۇرى بويىنشا 40-تان اسا وقۋ-جاتتىعۋ جيىنىن وتكىزدى. جيىن بارىسىندا سپورتشىلار قاجەت ۆيتاميندەرمەن قامتاماسىز ەتىلىپ, باپكەرلەرمەن قوسا ارنايى كيىم-كەشەكتەر جانە قۇرال-جابدىقپەن قامتىلدى», دەيدى ول.
ەسكە سالا كەتەيىك, 13 قازاندا الماتى قالاسىندا ەل ۇلتتىق قۇراما كومانداسىن IV ازيا پاراويىندارعا رەسمي شىعارىپ سالۋ سالتاناتتى ءراسىمى بولدى. ۇلتتىق قۇراماسى 2010 جىلدان بەرى ازيانىڭ پاراويىندارعا ءتورتىنشى رەت قاتىسىپ وتىر. ازيا ويىندارىندا جۇلدە العان سپورتشىلار مەن ولاردىڭ جاتتىقتىرۋشىلارىن اقشالاي ىنتالاندىرۋ ماقساتىندا قۇرلىق چەمپيونى اتانعان سپورتشىعا 10 مىڭ دوللار كولەمىندە اقشالاي سىياقى بەرىلەدى. ال التىن مەدال يەگەرىن جارىسقا دايىنداعان جاتتىقتىرۋشىعا 5 مىڭ دوللار قاراستىرىلىپ وتىر. قۇرلىق بىرىنشىلىگىنىڭ كۇمىس جۇلدەگەرى 5 مىڭ دوللار, ال جاتتىقتىرۋشىسى 3 مىڭ دوللار كولەمىندە سىياقى الادى. سونداي-اق قولا مەدال ەنشىلەگەن قۇراما سپورتشىسىنا 3 مىڭ دوللار, ال ونىڭ جاتتىقتىرۋشىسىنا 2 مىڭ دوللار كولەمىندە اقشالاي ىنتالاندىرۋ بەلگىلەنگەن.
سپيكەردىڭ ايتۋىنشا, جارىسقا ازيانىڭ 43 ەلىنەن 4 مىڭعا جۋىق سپورتشى قاتىسادى. ولار سپورتتىڭ 22 تۇرىنەن جالپى سانى 564 مەدال (پاراليمپيادالىق سپورت تۇرىنەن – 490 جانە پاراليمپيادالىق ەمەس سپورت تۇرىنەن – 74) جيىنتىعىن ساراپقا سالادى. ازيا پاراويىنداردى ازيانىڭ پاراليمپيادا كوميتەتى رەتتەيدى. ازيا پاراويىندارعا دەيىن FESPIC (مۇگەدەكتەرگە ارنالعان قيىر شىعىس جانە تىنىق مۇحيتى ويىندارى) دەپ اتالاتىن قاۋىم بولعان. ولار 1975 جىلدان 2006 جىلعا دەيىن جۇمىس ىستەدى. ال ازيا پاراويىنداردىڭ تاريحى 2010 جىلدان باستالدى.
ازيا پاراويىنداردى ءبىرىنشى قابىلداۋشى ەل – قىتاي, ودان كەيىن وڭتۇستىك كورەيا. سوڭعى ويىندار يندونەزيانىڭ دجاكارتا قالاسىندا 2018 جىلى ءوتتى. ازيا پاراويىندارعا قاتىسۋشىلار تەك جازعى سپورت تۇرلەرىنەن باق سىنايدى.
ويىنداردىڭ اشىلۋى مەن جابىلۋى سالتاناتىندا ەلىمىزدىڭ تۋىن ۇستاۋشىلار – ۆولەيبولدان ازيا چەمپيوناتىنىڭ كۇمىس جۇلدەگەرى پاراسپورتشىمىز جانعالي سۇيەۋوۆ جانە پاراۇستەل تەننيسىنەن حالىقارالىق جارىستاردىڭ چەمپيونى التىناي ەرجانقىزى.
