سۋرەتتى تۇسىرگەن – ەرلان ومار, «EQ»
قازىرگى ۋاقىتتا اتالعان مەكتەپتە جەڭىل اتلەتيكا, ۇستەل تەننيسى, سەمسەرلەسۋ, بەسسايىس, ترياتلون, بادمينتون, وق اتۋ, ستەند اتۋ, ساداق اتۋ سياقتى وليمپيادالىق سپورت تۇرلەرىنەن وقۋشىلاردى 42 پەداگوگ جاتتىقتىرادى.
«پەداگوگتەردىڭ ىشىندە جوعارى, ءبىرىنشى, ەكىنشى بىلىكتىلىك ساناتتارىنىڭ جاتتىقتىرۋشىلارى جۇمىس ىستەيدى. ەكەۋى قازاقستاننىڭ ەڭبەك سىڭىرگەن جاتتىقتىرۋشىسى قۇرمەتتى اتاعىنا يە. ولار – سەمسەرلەسۋ بويىنشا جاتتىقتىرۋشى اندرەي چۋرباكوۆ جانە وق اتۋدان جاتتىقتىرۋشى گالينا كورچما. سونداي-اق وق اتۋدان ءبىر جاتتىقتىرۋشى ولگا دوۆگۋن – قازاقستاننىڭ ەڭبەك سىڭىرگەن سپورت شەبەرى», دەدى №9 بالالار مەن جاسوسپىرىمدەر سپورت مەكتەبىنىڭ ديرەكتورى ايدىن توقباەۆ.
سپورت مەكتەبىندە 693 سپورتشى بار. ولاردىڭ ۇشەۋى – حالىقارالىق دارەجەدەگى سپورت شەبەرى, سەگىزى – سپورت شەبەرى, 50-ءى – سپورت شەبەرىنە ۇمىتكەر, 130-ى – سپورت شەبەرى اتاعىنا يە.
سپورت مەكتەبىنىڭ ورەندەرى رەسپۋبليكالىق جانە حالىقارالىق رەسمي باسەكەلەردە جوعارى ناتيجەلەر كورسەتىپ ءجۇر. ايتالىق, ادەل ساداقباەۆا ماروككودا ستەندتىك اتۋدان الەم كۋبوگىندا كوماندا قۇرامىندا ءبىرىنشى ورىندى يەلەندى. ول ءدال وسىنداي ناتيجەنى ازيا كۋبوگىندا سكيت ساناتىندا كورسەتتى.
الەكساندرا فەدوتوۆا كادەتتەر مەن جاسوسپىرىمدەر اراسىنداعى سەمسەرلەسۋدەن ازيا چەمپيوناتىندا كوماندادا ءبىرىنشى, جەكە تۋرنيردە ەكىنشى ورىن الدى. قازىرگى بەسسايىستان ازيا چەمپيوناتىنداعى جۇلدەلى ورىنداردى دەۆيد شاۋلسكي مەن ۆالەريا دۋدچەنكو جەڭىپ الدى.
تاشكەنتتە وتكەن جەڭىل اتلەتيكادان ازيا چەمپيوناتىندا اناستاسيا كولودا التىن, ەكاتەرينا كولودا كۇمىس مەدال جەڭىپ الدى.
جوسپار بويىنشا 2023 جىلى وسى مەكتەپتىڭ سپورتشىلارى 475 جارىسقا قاتىسادى. 9 ايدا 58 جارىس وتكىزىلدى. سپورت مەكتەبىنىڭ تاربيەلەنۋشىلەرى 255 مەدال جەڭىپ الدى.
