تەمىرتاۋ قالاسىنىڭ جۇرتشىلىعى, جەرگىلىكتى ونەركاسىپ كاسىپورىندارىنىڭ قىزمەتكەرلەرى جانە باق وكىلدەرى حالىقارالىق كونفەرەنتس-ورتالىق عيماراتىندا 2023 جىلى «ارسەلورميتتال تەمىرتاۋ» كومپانياسى ورىنداعان تابيعات قورعاۋ جوبالارىمەن تانىسۋ ءۇشىن جينالدى. بۇعان قوسا, تەمىرتاۋلىقتار 2024 جىلى ىسكە اسىرىلاتىن ەكولوگيالىق جوبالار تۋرالى ءبىلدى. ولاردى ەنگىزۋ قورشاعان ورتاعا اسەردى تومەندەتۋگە كومەگىن تيگىزەدى. جوبالاردى ازىرلەۋشى جانە ەكولوگيالىق قۇجاتتامانى قۇراستىرۋشى – «ەكوليۋكس-اس» كومپانياسى.
قوعامدىق تىڭداۋعا ۋاكىلەتتى مەملەكەتتىك ورگانداردىڭ – قاراعاندى وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى مەن قاراعاندى وبلىسى بويىنشا ەكولوگيا دەپارتامەنتىنىڭ وكىلدەرى دە قاتىستى. تىڭداۋعا تۇرعىلىقتى جەرىنە قاراماستان, نيەت بىلدىرۋشىلەردىڭ بارلىعىنىڭ قاتىسۋىنا جانە قاتىسۋشىلاردىڭ كەز كەلگەنىنىڭ كومپانيانىڭ ەكولوگيالىق قىزمەتىنە قاتىستى ءوزىن قىزىقتىراتىن سۇراقتى قويۋىنا مۇمكىندىك بەرىلدى.
«بۇل – مەتاللۋرگيا كومبيناتىنىڭ ودان ءارى جۇمىس ىستەۋىنە قاتىستى اسا ماڭىزدى ءىس-شارا. ياعني قالامىزدىڭ قۇت-بەرەكەسى وسىعان بايلانىستى. ءبىز كومبينات پەن تەمىرتاۋ قالاسى ءبىر-بىرىنەن اجىراعىسىز ۇعىمدار ەكەنىن تۇسىنەمىز, ولاردىڭ بىرەۋى ەكىنشىسىنسىز ءومىر سۇرە المايدى», دەگەن «ارسەلورميتتال تەمىرتاۋ» اق تەحنيكالىق ديرەكتورى كونستانتين تسيمبال: «ارسەلورميتتال» كومپانياسى ESG قاعيداتتارىن قاتاڭ باسشىلىققا الىپ وتىر. ونىڭ باسىندا قورشاعان ورتاعا جانە قوعامعا جاعىمدى اسەر ەتۋ قۇندىلىقتارى تۇر. قوعام دەگەنىمىز – تەمىرتاۋ جانە تۇتاستاي العاندا, قازاقستان حالقى, سونداي-اق كومبيناتتىڭ ويداعىداي قىزمەت ىستەۋىنە تىكەلەي مۇددەلى كومبينات قىزمەتكەرلەرى. ال قورشاعان ورتاعا اسەر ەتۋ – ۇدەرىستەر مەن تەحنولوگيانى جاقسارتۋ ارقىلى كومبيناتتىڭ اتموسفەراعا شىعارىندىلارىنىڭ جىل سايىنعى تۇراقتى ازايۋى دەگەن ءسوز. ءبىز كومبيناتتا وندىرىستىك ەكولوگيالىق قاۋىپسىزدىكتى نىعايتۋ ءۇشىن الەۋمەتتىك جاۋاپكەرشىلىكتى بىرگە قامتاماسىز ەتەمىز. ۋاقىت ءبىر ورىندا تۇرمايدى. ءبىر جىل ىشىندە ءبىز جاڭا جوبالاردىڭ ءبىر بولىگىن ورىنداي الدىق, قالانى كوگالداندىرۋمەن بەلسەنە اينالىستىق, الەۋمەتتىك سالادا كوپ جۇمىس اتقاردىق. بۇگىن ءبىز كومپانيانىڭ ەكولوگيانى جاقسارتۋ سالاسىنداعى كەلەسى جىلعا ارنالعان مىندەتتەرىن تالقىلايمىز, سونداي-اق سىزدەردىڭ بارلىق سۇراقتارىڭىزعا جاۋاپ بەرەمىز», دەدى.
قوعامدىق تىڭداۋ بارىسىندا بىرنەشە ەكوجوبا مەن ەكولوگيالىق باقىلاۋ باعدارلاماسى قاراستىرىلدى. سونىمەن قاتار, الەۋمەتتىك ماڭىزى بار جوبالار ۇسىنىلدى. تەمىرتاۋدى كوگالداندىرۋ جانە «جاسىل بەلدەۋ» قۇرۋ جوباسى قاتىسۋشىلاردىڭ ەرەكشە قىزىعۋشىلىعىن تۋدىردى. ويتكەنى, بۇگىندە جاسىل جەلەكتەر وتىرعىزىلعان الاڭ 360 گەكتاردى قۇرادى, ال سەپپە مەن كوشەت سانى 1 ميلليوننان استى. كومپانيا قالانى كوگالداندىرۋدى جانە جاسىل بەلدەۋ قۇرۋدى ءوز قاراجاتى ەسەبىنەن جۇزەگە اسىرىپ وتىر.
وندىرىستەگى تابيعاتتى قورعاۋ ءىس-شارالارىنا كەلسەك, 2024 جىلى اتموسفەرالىق اۋانى لاستاۋدىڭ نەگىزگى كوزدەرىنىڭ شىعارىندىلارىن ازايتۋعا باسا نازار اۋدارىلماقشى. ولار – 1-جەو, 2-جەو جانە اگلومەراتسيالىق ءوندىرىس. سونداي-اق قولدا بار كوكس باتارەيالارىن جوندەۋ جالعاستىرىلىپ, 2027 جىلى اياقتاۋ جوسپارلانعان اۋىسپالى جوبا – №8 جانە №9 جاڭا كوكس باتارەيالارىنىڭ قۇرىلىسى باستالادى.
حيميالىق ۇستاۋ تسەحىنىڭ قۇرىلىسى جالعاستىرىلۋ ۇستىندە. كەلەسى جىلى اكتاس كۇيدىرۋ تسەحىنداعى №2 اينالمالى پەشكە ەلەكتر سۇزگىسى ورناتىلادى. اگلووندىرىستىڭ №5 اگلوماشيناسىندا قازىردىڭ وزىندە ەلەكترفيلتر ورناتىلعان. تاياۋ جىلدا №6 اگلوماشينادا گازدى تازارتۋ جۇيەسىن ورناتۋدى جوبالاۋ جوسپارلانىپ وتىر.
وتتەگى-تۇرلەندىرگىش تسەحىندا قايتالاما شاڭدى باسۋ جۇيەسىن جەتىلدىرۋ قاجەت. 2024 جىلى جەو-پۆس-داعى №1 قازاندىقتىڭ جانە 2-جەو-داعى №7 قازاندىقتىڭ قۇرىلىسى اياقتالادى. بۇل ەكى جاڭا قازاندىق ەكى ساتىلى كوچ ەمۋلگاتورلارىمەن جابدىقتالادى. وسى ەمۋلگاتورلارمەن شاڭدى ۇستاۋ تيىمدىلىگى 20 مگ/م3 اسپايتىن شاڭنىڭ قالدىق كونتسەنتراتسياسى كەزىندە –99,9%, ال اك ءسۇتىن ەكىنشى ساتىدا پايدالانعان كەزدە كۇكىرت ديوكسيدى بويىنشا SO2 كونتسەنتراتسياسى 200 مگ/م3 اسپايتىن كەزدە 95% تازارتۋ دەڭگەيىن قامتاماسىز ەتەدى.
كومپانيا مەتاللۋرگيا ءوندىرىسىنىڭ قورشاعان ورتاعا اسەرىن ازايتۋ ستراتەگياسىنا سايكەس كەلەتىن بارلىق ورتا جانە ۇزاق مەرزىمدى ەكولوگيالىق جوبانى ىسكە اسىرۋدى جالعاستىرىپ جاتىر.
تىڭداۋ سوڭىندا قاتىسۋشىلار ءوز ساۋالدارىن قويىپ, كومپانيانىڭ تابيعاتتى قورعاۋ قىزمەتى تۋرالى پىكىرلەرىن ءبىلدىردى. «ارسەلورميتتال تەمىرتاۋ» اق باسشىلىعى ايتىلعان ەسكەرتپەلەر مەن ۇسىنىستاردى جوبانى جەتىلدىرۋ ماقساتىندا قابىل الدى.
