- بارىنە بەلگىلى ءبىر جايت, اسكەرگە شاقىرۋ جىلىنا ەكى-اق رەت كەلەدى. ءبىرىنشىسى كوكتەمدە, ەكىنشىسى كۇز مەزگىلىندە. الدىمەن وسى اسكەرگە شاقىرۋ جۇمىس بارىسىن ايتىپ وتسەڭىز.
– قازىرگى تاڭدا جەتىسۋ وبلىسىنا قاراستى اۋدان, قالالاردا شاقىرىلۋشىلاردى وتان الدىنداعى بورىشتارىن اتقارۋعا سالتاناتتى تۇردە اسكەرگە شىعارىپ سالۋ جۇمىستارى قارقىندى جۇرگىزىلىپ جاتىر. قازاقستان پرەزيدەنتى - قارۋلى كۇشتەردىڭ جوعارعى باس قولباسشىسى وسكەلەڭ جاستارعا ەڭ سەنىمدى تىرەگىنە ۇلكەن ءۇمىتىن ارتادى. سەنىمدى اقتاۋ ازاماتتىق پارىز. ازاماتتاردى مەرزىمدى اسكەري قىزمەتكە شاقىرۋ قازاقستان رەسپۋبليكاسى «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» زاڭىنىڭ 31-بابىنا سايكەس قازاقستان رەسپۋبليكاسى پرەزيدەنتىنىڭ جارلىعى جانە قازاقستان رەسپۋبليكاسى ۇكىمەتىنىڭ قاۋلىسى نەگىزىندە جىلىنا ەكى رەت جۇرگىزىلەدى. ون سەگىز جاستان جيىرما جەتى جاسقا دەيىنگى, اسكەرگە شاقىرۋدى كەيىنگە قالدىرۋعا نەمەسە اسكەرگە شاقىرىلۋدان بوساتىلۋعا قۇقىعى جوق ازاماتتار قارۋلى كۇشتەرى, باسقا دا اسكەرلەر مەن اسكەري قۇرىلىمداردى جاساقتاۋ ءۇشىن قاجەتتى سانىندا مەرزىمدى اسكەري قىزمەتكە شاقىرىلۋعا جاتادى. ءبىر بايقاعانىم, جەتىسۋدا اسكەرگە بارۋعا اسىق جاستار كوپ.
– جاستاردى وتان الدىنداعى پارىزىن وتەۋ مىندەتى تۋرالى ءبىلىم بەرۋ وردالارىندا قانداي ءىس-شارالار جۇرگىزىلەدى؟
– وتان الدىنداعى پارىزىن وتەۋ مىندەتى تۋرالى ءبىلىم وردالارىندا قورعانىس ىستەرى جونىندەگى دەپارتامەنتىمەن, اسكەري بولىمدەردىڭ اسكەري قىزمەتشىلەرى جانە قارۋلى كۇشتەر ارداگەرلەرى تۇسىندىرمە جۇمىستارىمەن قاتار ەرلىك ساباقتارىن ۇيىمداستىرىپ وتكىزىپ كەلەدى. سونىمەن قاتار اسكەري بولىمدەردە وقۋشىلار مەن ستۋدەنتتەرگە اشىق ەسىك كۇندەرى ءوتىپ وتىر. اسكەري بولىمدەردە وتكىزىلەتىن اشىق ەسىكتەر ول جاسوسپىرىمدەرگە بولاشاقتا وتان الدىنداعى بورىشىن وتەۋ جولىنداعى العاشقى باسپالداق دەپ ايتۋعا بولادى. اسكەري بولىمگە ساياحاتقا بارۋدىڭ تاعىلىمى, تاربيەلىك ءمانى, پاتريوتتىق مازمۇنى تەرەڭدە جاتىر. مۇنداي اشىق ەسىك كۇندەر بولاشاق وتان قورعاۋشىلاردىڭ تاربيەسىنە تيگىزەر ۇلەسى زور, ويتكەنى ولاردىڭ وتاندى قۇرمەتتەۋگە, قورعاۋعا دەگەن سەزىمدەرى ارتا تۇسەتىنى ءسوزسىز. 2023 وقۋ جىلىندا قارۋلى كۇشتەردەگى جاۋىنگەرلىك سايىستىڭ ۇرانى «قۋاتتى ارميا - جاڭا قازاقستان!» بولعانىن ايتا كەتەيىن.
– سونداي-اق زاپاستاعى وفيتسەرلەردى اسكەري قىزمەتكە شاقىرۋ تۋرالى نە ايتاسىز؟
- زاپاستاعى وفيتسەرلەردى اسكەري قىزمەتكە شاقىرۋ قازاقستان رەسپۋبليكاسى ۇكىمەتىنىڭ 2023 جىلدىڭ 26 قاڭتارىنداعى №49 قاۋلىسىنىڭ نەگىزىندە جۇرگىزىلەدى. زاپاستاعى وفيتسەرلەردى اسكەري قىزمەتكە شاقىرۋ ول اسكەري قىزمەتكە جارامدى, جيىرما توعىز جاسقا دەيىنگى زاپاستاعى وفيتسەرلەر مەن وتىز ەكى جاسقا دەيىنگى مەديتسينالىق قىزمەتتىڭ زاپاستاعى وفيتسەرلەرى ۋاكىلەتتى ورگانداردىڭ وتىنىمدەرى بويىنشا قازاقستان رەسپۋبليكاسى ۇكىمەتىنىڭ قاۋلىسى نەگىزىندە بەيبىت ۋاقىتتا وفيتسەرلەر قۇرامىنىڭ لاۋازىمدارىندا اسكەري قىزمەت وتكەرۋ ءۇشىن اسكەرگە شاقىرىلادى.
– بيىل تامىز ايىندا ەكىنشى دۇنيەجۇزىلىك سوعىستا قازا تاپقان ساربازدىڭ سۇيەگى تۋعان جەرىندە قايتا جەرلەندى دەپ ەستىدىك...
- ءيا, ەكىنشى دۇنيەجۇزىلىك سوعىستا قازا تاۋىپ حابارسىز كەتكەن وتاندىق جاۋىنگەردى قايتا جەرلەۋ سالتاناتتى ءراسىمى الاكول اۋدانى, قابانباي اۋىلىندا ءوتتى. سالتاناتتى راسىمگە اكىمدىك, ارداگەرلەر, اسكەريلەر جانە اۋىل تۇرعىندارى قاتىستى.
قازاقستان رەسپۋبليكاسى قورعانىس مينيسترلىگى مەن «Atamnyn Amanaty» قوعامدىق بىرلەستىگى - ەكىنشى دۇنيەجۇزىلىك سوعىستا حابارسىز كەتكەن جاۋىنگەرلەردىڭ جەرلەنگەن ورىندارىن انىقتاۋ, ولاردىڭ ەسىمدەرىن ماڭگى ەستە قالدىرۋ ماقساتىندا ماسكەۋ قالاسىنداعى رجەۆ تۇبەگىندەگى كوماريحا ورمانىندا جۇيەلى ىزدەستىرۋ, مۇراعاتتىق زەرتتەۋ جۇمىستارىن جۇرگىزۋ بارىسىندا بۇرىنعى الماتى وبلىسى, اندرەەۆ اۋداندىق اسكەري كوميسسارياتىنان اتتانعان, جەتىسۋ وبلىسىنىڭ (بۇرىڭعى الماتى وبلىسى) تۋماسى, جاۋىنگەر پاراسەنكو فيليپ لاۆرەنتەۆيچتىڭ سۇيەگى مەن مەدالونى تابىلعان. ونى ايماقتىق «فرونتوۆىە دوروگي» اسكەري-پاتريوتتىق ىزدەۋ كلۋبىنىڭ ىزدەۋشىلەرى ىزدەپ تاپقان. جاۋىنگەر ف.ل.پاراسەنكونى پىراعىن الاكول اۋدانى, قابانباي اۋىلىندا اسكەري قۇرمەتپەن قارالى ميتينگ وتكىزىلدى.
– جۋىردا قورعانىس مينيسترلىگىنىڭ اقپاراتتىق-ءتۇسىندىرۋ توبى جەتىسۋ گارنيزونىندا بولىپ قايتتى دەپ ەستىدىك. اقپاراتتىق توپ نە ماقساتپەن كەلدى؟
- قورعانىس مينيسترلىگىنىڭ اقپاراتتىق-ءتۇسىندىرۋ توبى جەتىسۋ گارنيزونىندا بولىپ «جاڭا قازاقستاننىڭ تىرەگى - ايبىندى جاستار» تاقىرىبىندا ءىلياس جانسۇگىروۆ اتىنداعى مادەنيەت ۇيىندە مەكتەپ وقۋشىلارىمەن, كوللەدج بىلىمگەرلەرىمەن, «جاس سارباز» اسكەري-پاتريوتتىق كلۋبىنىڭ تاربيەلەنۋشىلەرىمەن جانە اسكەري كافەدرا ستۋدەنتتەرىمەن كەزدەسۋ ۇيىمداستىردى. اتالعان شارادا «قارۋلى كۇشتەر ارداگەرلەرى» جەتىسۋ وبلىسى فيليالىنىڭ توراعاسى راحىم قىرعاباقوۆ, راديوەلەكترونيكا جانە بايلانىس اسكەري ينستيتۋتىنىڭ اسكەري-پاتريوتتىق جانە يدەولوگيالىق جۇمىس ءبولىمىنىڭ باستىعى مايور ميراس كاليۋللين, قۇرلىق اسكەرلەرى اسكەري ينستيتۋتىنىڭ يدەولوگيالىق جانە اسكەري-پاتريوتتىق جۇمىس ءبولىمىنىڭ وفيتسەرى مايور مۇراتبەك قۇلشاەۆ وسكەلەڭ ۇرپاققا اسكەري-پاتريوتتىق ساۋالدار بويىنشا بايانداما جاسادى.
– اڭگiمەڭiزگە راحمەت. قىزمەتىڭىزگە ساتتiلiك تiلەيمiز.
