وڭىرلەردە شىعىس قازاقستان وبلىسىنىڭ اكىمى ەرمەك كوشەرباەۆپەن, اقتوبە وبلىسىنىڭ اكىمى اسحات شاحاروۆپەن, سەمەي قالاسىنىڭ اكىمى نۇربول نۇرساعاتوۆپەن, الاكول اۋدانىنىڭ اكىمى الماس ابدينوۆپەن كەزدەسۋلەر ءوتتى. اسكەري قالاشىقتاردى اباتتاندىرۋ, جەرگىلىكتى اتقارۋشى ورگانداردىڭ بالانسىنداعى تۇرعىن ۇيلەردى جوندەۋ, ينجەنەرلىك جەلىلەر, جەم قالاسىنداعى ەكى تۇرعىن ءۇيدى قورعانىس مينيسترلىگىنىڭ قاراماعىنا بەرۋ, جەرگىلىكتى قوردان اسكەري گوسپيتالدار مەن لازارەتتەرگە نىساندار ءبولۋ ماسەلەلەرى تالقىلاندى.
كەلىسسوزدەردىڭ ناتيجەسى بويىنشا اتقارۋشى بيلىك ورگاندارىنىڭ باسشىلارى اسكەري قىزمەتشىلەر تۇراقتى ورنالاسقان جەرلەردە الەۋمەتتىك-مادەني, كوممۋنالدىق-تۇرمىستىق جاعدايلاردى جاقسارتۋعا باعىتتالعان ماسەلەلەر كەشەنىن شەشۋگە جاردەمدەسۋگە دايىن ەكەندىكتەرىن جەتكىزدى.
ءۇشارال, اياگوز, وسكەمەن, اباي, اقتوبە, اقتاۋ, اتىراۋ گارنيزوندارىن ارالاۋ بارىسىندا ءمينيستردىڭ ورىنباسارى گەنەرال-لەيتەنانت مۇحامەدجان تالاسوۆ باسقارعان كوميسسيا ينفراقۇرىلىمنىڭ قىسقى كەزەڭگە دايىندىعىن, اعىمداعى جانە كۇردەلى جوندەۋلەردى, مودۋلدىك عيماراتتاردى سالۋ جونىندەگى جۇمىستاردىڭ ورىندالۋ مەرزىمدەرىنىڭ ساپاسى مەن ساقتالۋىن تەكسەردى. مەديتسينالىق كومەك كورسەتۋگە, اسكەري قىزمەتشىلەردى ەمدەۋگە جانە ولاردى قىزمەتكە قايتارۋعا جاۋاپتى مەديتسينالىق مەكەمەلەردىڭ قىزمەتىن ۇيىمداستىرۋ بويىنشا بىرقاتار نۇسقاۋلار بەرىلدى.
مەرزىمدى قىزمەتتەگى ساربازداردى زاتتاي م ۇلىكپەن قامتاماسىز ەتۋگە, تۇرعىن ءۇي-تۇرمىستىق جاعدايلاردىڭ جاي-كۇيىنە, جەكە قۇرامدى تاماقتاندىرۋدى ۇيىمداستىرۋعا بايلانىستى ماسەلەلەر زەردەلەندى.
قر قارۋلى كۇشتەرىن قۇرۋ جانە دامىتۋ تۇجىرىمداماسىنا سايكەس سالىنىپ جاتقان ينجەنەرلىك وق-دارىلەر بازاسىنا, اسكەري بولىمدەر مەن مەكەمەلەردى قايتا ورنالاستىرۋ ورىندارىن تەكسەرۋ جۇرگىزىلدى.
كوميسسيا قۇرامىنا كىرەتىن وفيتسەرلەر تىل قىزمەتتەرىنىڭ ەسەبىن جۇرگىزۋ ءتارتىبى مەن ەسەپتىلىگىنىڭ جاي-كۇيىن, جانار-جاعار مايدى ەسەپتەن شىعارۋدىڭ بولۋى مەن زاڭدىلىعىن تەكسەردى. بولىمشەلەر باسشىلىعىنا تاۋارلىق-ماتەريالدىق قۇندىلىقتاردى ساقتاۋدى جانە ازىق-ت ۇلىك قىزمەتىن ۇيىمداستىرۋ ماسەلەلەرىندە پراكتيكالىق كومەك كورسەتىلدى.
ايتا كەتۋ كەرەك, بارلىق گارنيزونداردا جىلۋ جەلىلەرىن اعىمداعى جوندەۋ جۇمىستارى اياقتالدى. باقىلاۋ وتتىقتارى جانە جىلىتۋ جۇيەلەرىن گيدراۆليكالىق سىعىمداۋ جۇرگىزىلدى. وتىن تولىق كولەمدە جەتكىزىلدى.
گارنيزونداردىڭ 13 اۋداندىق پايدالانۋ بولىمىندە جىلىتۋ كەزەڭى باستالدى. وڭتۇستىك جانە باتىس وڭىرلەردىڭ اپب جىلىتۋ ماۋسىمىنا دايىن. جىلۋ بەرۋ بەس كۇن بويى ورتاشا تاۋلىكتىك تەمپەراتۋرا +10 گرادۋسقا دەيىن جانە ودان تومەن تۇسكەننەن كەيىن ۇيىمداستىرىلادى.
گارنيزوندارعا بارۋ قورىتىندىسى بويىنشا قۇرلىق اسكەرلەرىنىڭ, اۋە قورعانىسى كۇشتەرىنىڭ باس قولباسشىلارىنا, اسكەري ينفراقۇرىلىم باس باسقارماسىنىڭ, باس اسكەري-مەديتسينالىق باسقارمانىڭ باستىقتارىنا, اسكەري بولىمدەردىڭ كومانديرلەرى مەن اۋداندىق پايدالانۋ ءبولىمىنىڭ باستىقتارىنا اۋماقتاردى ودان ءارى اباتتاندىرۋ, ءۇي-جايلاردى جوندەۋ جانە قارۋلى كۇشتەر وبەكتىلەرىنىڭ ينفراقۇرىلىمىنا قاتىستى باسقا دا ماسەلەلەر بويىنشا حاتتامالىق تاپسىرمالار بەرىلدى.
