«وتكەن ايدا ەڭبەك نارىعىنداعى سۇرانىستىڭ ءوسۋى ۇسىنىستىڭ وسۋىنەن ەكى ەسە اسىپ ءتۇستى. ەەب-داعى بوس جۇمىس ورىندارىنىڭ سانىن ارتتىرۋدىڭ درايۆەرى ء«بىلىم جانە تاربيە» كاسىبي سالاسى بولدى. ءدال وسى سالادا قىركۇيەك ايىندا ەەب-عا سۇرانىستىڭ باسەڭدەۋى بايقالدى, ويتكەنى ءبىلىم بەرۋ مەكەمەلەرى تاراپىنان كادرلارعا سۇرانىس تومەندەدى. سۇرانىستىڭ تومەندەۋىنە قاراماستان, قىركۇيەك ايىندا ءبىلىم بەرۋ ۇيىمدارى باسقا سالالارمەن سالىستىرعاندا ەڭ كوپ بوس جۇمىس ورىندارىن ورنالاستىردى. ءبىلىم بەرۋدىڭ ءارتۇرلى دەڭگەيلەرىندەگى مەكەمەلەر ورنالاستىرعان بوس جۇمىس ورىندارىنىڭ ۇلەسىنە ەڭبەك نارىعىنداعى جالپى سۇرانىستىڭ ۇشتەن ءبىرى (33% نەمەسە 41,8 مىڭ بوس جۇمىس ورنى) تيەسىلى بولدى. قىركۇيەك ايىندا باسقا سالالاردىڭ كاسىپورىندارى اراسىندا ەلەكتر ەنەرگياسىمەن, گازبەن, بۋمەن, ىستىق سۋمەن جانە كونديتسيونەرلەنگەن اۋامەن جابدىقتاۋداعى بوس جۇمىس ورىندارىنىڭ سانى ايتارلىقتاي ءوستى (75%-عا نەمەسە 0,6 مىڭ بىرلىككە). وسى سالاداعى بوس جۇمىس ورىندارىنىڭ جالپى سانىنىڭ 62%-ى (نەمەسە 0,9 مىڭ بىرلىك) پاۆلودار جانە شىعىس قازاقستان وبلىستارىنا تيەسىلى بولدى, بۇل ەنەرگيا ءوندىرۋشى قۋاتتاردىڭ جىلىتۋ ماۋسىمىنا دايىندىق قاجەتتىلىگىنە بايلانىستى», دەدى ب.جازىقپاەۆ.
ونىڭ ايتۋىنشا, وڭىرلىك بولىنىستە قىركۇيەك ايىندا بوس جۇمىس ورىندارىنىڭ ەڭ كوپ ءوسۋى شىمكەنت قالاسىندا (+32% نەمەسە 0,8 مىڭ), اقمولا (+22% نەمەسە 1,2 مىڭ) جانە قىزىلوردا (+15% نەمەسە 0,5 مىڭ) وبلىستارىندا بايقالدى. ۇسىنىسقا كەلەتىن بولساق, ەڭبەك نارىعىندا ورنالاستىرىلعان تۇيىندەمەلەر سانىنىڭ بەلسەندى ءوسۋى شىمكەنت قالاسىندا (+60% نەمەسە 3,4 مىڭ), سونداي-اق تۇركىستان (+37% نەمەسە 4,5 مىڭ) جانە قوستاناي (+35% نەمەسە 1,1 مىڭ) وبلىستارىندا تىركەلدى. بۇل رەتتە قوستاناي وبلىسى بويىنشا بوس جۇمىس ورىندارىنىڭ جالپى سانى (12,3 مىڭ) تۇيىندەمە سانىنان 3 ەسە (4 مىڭ) ارتىق, ال شىمكەنتتە جاعداي تۇبەگەيلى قاراما-قايشى: 3,7 مىڭ بوس ورىن جانە 9,1 مىڭ تۇيىندەمە.
قىركۇيەك ايىندا ەەب-داعى ماماندار اراسىندا وتكەن ايداعىداي بايلانىس ورتالىقتارىنىڭ وپەراتورلارى (ولار ءۇشىن بوس جۇمىس ورىندارىنىڭ سانى 4,4 مىڭ بىرلىككە ارتىق), ماتەماتيكا مۇعالىمدەرى (1,3 مىڭ بىرلىككە), سونداي-اق تاربيەشىلەردىڭ كومەكشىلەرى (تيىسىنشە 1,2 مىڭ بىرلىككە) تاپشى بولدى. سونىمەن قاتار ۆاحتەر ورنىنا ۇمىتكەرلەر سانى كەرىسىنشە ۇقساس بوس جۇمىس ورىندارىنىڭ سانىنان – 1,3 مىڭ ادامعا, زاڭگەرلەر – 1 مىڭ ادامعا, دەنەشىنىقتىرۋ جانە سپورت مۇعالىمدەرى 0,8 مىڭ ادامعا اسىپ ءتۇستى.
