قالالىق اكىمدىك تاراتقان مالىمەتكە سۇيەنسەك, قازىرگى كۇندە سەمەيدە كومىر تونناسى كوتەرمە باعامەن 2 نۇكتە بويىنشا ساتىلادى. 28 500 توننا كومىر جەتكىزىلگەن قالانىڭ كىرەبەرىسىندەگى «جىگەر» جشس نۇكتەسىندە 1 توننا كومىردىڭ قۇنى – 12 700 تەڭگە بولسا, «72 كۆارتال» اۋماعىنداعى باعا 12 500 تەڭگەدەن بوساتىلادى. ونىڭ ۇستىنە كولىك تاسىمالى قىزمەتىنە 2 000 تەڭگە قوسىلادى. قالا بيلىگى, سونداي-اق جەكەلەگەن اۋلالاردا جك قۇجاتى بولعان جاعدايدا عانا كومىر ساتۋعا رۇقسات بەرىلگەنىن ايتادى.
الايدا جالپى وبلىس بويىنشا كومىر باعاسى اۋدانداردىڭ ورنالاسۋ ەرەكشەلىكتەرىنە قاراي قىمباتتاي تۇسەتىنىن جاسىرۋعا بولماس. اياگوز, ءۇرجار, اقسۋات اۋداندارىنا تاسىمالدانۋ قىزمەتىن قوسا العاندا تونناسى 18 مىڭ تەڭگەدەن 28 مىڭ تەڭگەگە دەيىن شارىقتاپ تۇر. اياگوز قالاسىنداعى كومىردىڭ كوتەرمە باعاسى 14 800 تەڭگە شاماسىندا بولعانىمەن, باسقا اۋداندارعا جۇك كولىكتەرىنىڭ يەلەرى تونناسىن ەكى ەسە باعاسىنا وتكىزىپ ءجۇر.
