جۇمىسپەن قامتۋعا ارنالعان جوبا

2025 جىلعا دەيىن جىل سايىن­ كەمىندە 10 مىڭ جاستى جۇمىس­قا­ ورنالاستىرۋ كوزدەلگەن. الماتى قالاسى جاستار ساياساتى­ باسقارماسى باسشىسىنىڭ مىن­دەتىن اتقارۋشى ءازيز قاجدەنبەك ول ءۇشىن ۆەدومستۆو ءۇش ناقتى باعىت بويىنشا جۇمىس جۇرگىزىپ جاتقانىن مالىمدەدى. بۇل – وقى­تۋ جانە جۇمىسقا ورنالاس­تىرۋ, ارنايى ينفراقۇرىلىم قۇرۋ, سونداي-اق NEET جاستاردى مادەني, سپورتتىق, تانىمدىق ءىس-شارالارعا تارتۋ. وسى باعىتتا ارنايى جول كارتا ازىرلەنگەن.

ء«بىز جوعارى وقۋ ورىندارىن, كوللەدجدەردى جانە ءىرى كومپا­نيالاردى تارتا وتىرىپ, جاڭا كەشەندى ءتاسىلدى قولداندىق. «حەدحانتەر.kz», «ولح.kz», «نايمي.kz» پلاتفورما دەرەك­تە­رىن تالداۋ نەگىزىندە وزەكتى مامان­­دىقتار بويىنشا قىسقا مەر­زىمدى 30 وقىتۋ كۋرسى ىسكە قوسىل­دى. ولار ساتۋ جونىندەگى مەنەد­جەر, موبيلوگراف, SMM-مەنەد­جەر, گرافيكالىق ديزاينەر, تارگەتولوگ, گيد, كۋرەر جانە باسقا دا سالالار. ء«بىر تەرەزە» قاعيداتى بويىنشا قىسقا مەر­زىم­دى وقىتۋ ورتالىعىن قۇرۋ جاس­تارعا بيۋروكراتيالىق ساتىلاردان ءوتۋدى جەڭىلدەتىپ, جۇمىسقا ورنالاسقانداردىڭ ۇلە­سىن ارتتىرۋعا مۇمكىندىك بەرىپ وتىر», دەيدى ءا.قاجدەنبەك.

باسقارما بەرگەن مالىمەتكە سەنسەك, جىل باسىنان بەرى ارنايى كۋرستان وتكەن 6 مىڭ جاستىڭ 4,2 مىڭى جۇمىسقا ورنالاسىپ, بىرقاتارى تاعىلىمدامادان ءوتىپ جاتىر. ال 2 مىڭنان استام ازامات ءالى دە جۇمىسسىزدار ساناتىندا. بيىلعى قازان ايىنىڭ ەكىنشى ونكۇندىگىندە وزەكتى ماماندىقتار بويىنشا قوسىمشا 10 كۋرس ىسكە قوسىلىپ, وندا شامامەن 3 مىڭ جاس شەبەرلىكتەرىن شىڭداماق.

ماماندار وقىتۋ كۋرستارىن تسيفر­لاندىرۋ جۇمىستارى ىسكە اسا باستاعانىن ايتادى. جىل سوڭى­نا دەيىن بارلىق كۋرستاردان ونلاين ءوتۋ مۇمكىندىگى تۋماق. بۇل ءوز كەزەگىندە الداعى جىلدارى جاس­تاردى وقىتۋعا بيۋدجەت قارا­جاتىن ۇنەمدەۋگە سەپتىگىن تيگىزبەك.

تاعى ءبىر جاڭاشىلدىق – «Jobfair365» جۇمىسپەن قامتۋ پلاتفورماسىمەن بىرلەسىپ «Jasalmaty.kz» پورتالىن قۇرۋ. پلاتفورمانىڭ باسقا ۇقساس قۇرالداردان ەرەكشەلىگى – اقىسىز نەگىزدە جۇمىس ىزدەپ, سەرتيفيكات الۋ ارقىلى قىسقا مەرزىمدى كۋرستاردان وتۋگە بولادى. بىرىك­تى­رىلگەن بۇل باستاما جۇمىسقا ورنالاسۋ جانە وقۋ ۇدەرىسىن ايتار­لىقتاي جەڭىلدەتپەك. قازىرگى تاڭدا پورتالعا 3,7 مىڭ بوس جۇمىس ورنى ەنگىزىلىپ, 1,5 مىڭ جۇمىس بەرۋشى تىركەلگەن.

«اقپان ايىندا ءبىز قالالىق مانساپ ورتالىعىن اشتىق. ەگەر بۇرىن مانساپ ورتالىقتارى ءار وقۋ ورنىندا بولەك جۇمىس ىستەسە, قازىر ولار بىرىكتىرىلگەن. بۇل ءبىر الاڭدا جۇمىس بەرۋ­شىلەرمەن, جۇمىسپەن قامتۋ ورتالىقتارىمەن جانە باسقا قۇرىلىمدارمەن ءىس-ارەكەتتى ۇيلەستىرۋگە مۇمكىندىك بەرەدى. جىل باسىنان بەرى قالا اۋداندارىندا 26 مىڭ ادامدى, ونىڭ ىشىندە NEET ساناتىنداعى جاستاردى قامتىعان مانساپ كۇندەرى وتكىزىلدى. جەكە باستاما­لار اياسىندا شاعىن جانە ورتا بيزنەس سۋبەكتىلەرى 20,8 مىڭنان استام جاستى, ونىڭ ىشىندە NEET ساناتىنداعى جاستاردى جۇمىسقا ورنالاستىردى. سونداي-اق كاسىپكەرلىكتى دامىتۋ جونىندەگى ۇلتتىق جوبا ىسكە اسىرىلىپ كەلەدى. بۇل باعىتتا 6,5 مىڭ جاس جۇمىسقا ورنالاسقان بولسا, ونىڭ ىشىندە NEET جاستارى دا بار. سونىمەن قاتار «جاسىل ەل» جوباسى اياسىندا 2,1 مىڭ ازامات ەڭبەككە تارتىلدى. وسىلايشا, جىل باسىنان بەرى NEET جاستاردى قوسقاندا بارلىعى 27,4 مىڭ جاس جۇمىسقا ورنالاستى», دەيدى ءا.قاجدەنبەك.

جوعارىدا اتاپ وتكەن جول كار­تاسى نەگىزىندە جىل سوڭىنا دە­يىن قالادا 8 جاستار كومۋنيتي-ورتا­لى­عى اشىلماق. 2025 جىلدىڭ سو­ڭىنا دەيىن ولاردىڭ سانىن 16-عا جەت­كىزۋ كوزدەلگەن. قالادا قازىر «وڭاي» كارتاسىنىڭ بازاسىندا كوم­مۋ­نالدىق ورتالىقتاردىڭ رەزي­دەنتتەرى ءۇشىن كلۋبتىق كار­توچ­كالىق جۇيەنى ىسكە قوسۋ بويىن­شا­ كەلىسسوزدەر جۇرگىزىلىپ جاتىر. كارتا كولىككە, قوعامدىق تا­ماق­تانۋعا, سپورتتىق جانە ما­دە­ني ينفراقۇرىلىمدى پايدا­لا­نۋ­عا­ جەڭىلدىكتەر بەرەدى. بۇگىن­دە مە­گا­پوليستە بوس ۋاقىتتى پاي­دا­لى­ جۇمساۋعا, قوسىمشا داع­دى­لار­دى قالىپتاستىرۋعا, كاسىپ­تىك باعدارلاۋعا جانە جاستار­دا تاۋەل­دى­لىكتىڭ الدىن الۋعا باعىت­تالعان 100 بوس ۋاقىت وتكىزۋ ورتا­لى­عى جۇمىس ىستەپ تۇر. كەلەر جى­لى مۇنداي ورتالىقتاردىڭ ءبى­را­زىن قايتا جاڭعىرتۋ جوسپارلانعان.

الماتىدا جىل سايىن مىڭنان استام مادەني, سپورتتىق ءىس-شارا وتەدى. ەگەر بۇرىن ولار جاستاردىڭ جالپى سانىنا باعدارلانعان بولسا, قازىر NEET ساناتىنداعى جاستارعا تىكەلەي باعىتتالعان ءىس-شارالار ىسكە قوسىلعان. «جوعارىدا اتالعان ءىس-شارالار كەشەنى الماتى قالاسىنداعى NEET جاستاردىڭ ۇلەسىن 2023 جىلدىڭ ءى جارتىجىلدىعىندا 8,3 پايىزدان (53,8 مىڭ) 7,4 پايىزعا (47,8 مىڭ) دەيىن تومەندەتۋگە مۇمكىندىك بەردى, ال وسى جىلدىڭ سوڭىنا قاراي – 6,5, 2025 جىلدىڭ سوڭىنا قاراي – 5,2 جانە 2030 جىلدىڭ سوڭىنا قاراي 4 پايىزعا دەيىن قىسقارتۋ جوسپارلانىپ وتىر», دەيدى جاستار ساياساتى باسقارماسىنداعىلار.

الماتى