حالىقارالىق باعدارلامالار ورتالىعىنىڭ ءباسپاسوز قىزمەتى حابارلاعانداي, ولاردىڭ 12-ءسى حايفا قالاسىندا, قالعاندارى ەلىمىزدىڭ باسقا قالالارىنداعى وقۋ ورىندارىندا ءبىلىم الىپ جاتىر.
«بۇگىن ولار ەلگە ورالادى. وقىتۋدى جالعاستىرۋ ماسەلەسى ءالى دە اشىق», دەلىنگەن حابارلامادا.
ەستەرىڭىزگە سالا كەتەيىك, بۇگىن ساعات 08:00-دە «Air Astana» ۇشاعى الماتىدان تەل-اۆيۆكە ۇشتى. بورتىندا قازاقستان ازاماتتارى بار كەرى رەيس الماتىعا جەرگىلىكتى ۋاقىت بويىنشا شامامەن 23:45-تە كەلەدى.
ايتا كەتەيىك, پالەستينالىق حاماس توبىنىڭ سەنبى كۇنى باستالعان يزرايلگە شابۋىلى مەن ەلدىڭ سوعىس جاعدايىنا ەنۋ تۇسىندا بىرقاتار مەملەكەتتەر يزرايلدەن ازاماتتارىن ەۆاكۋاتسيالاۋدى ۇيىمداستىرۋعا اسىعىپ جاتىر.
قازىرگى ۋاقىتتا يزرايل ارمياسى گازا سەكتورىنداعى حاماس پوزيتسيالارىنا شابۋىلدارىن جالعاستىرىپ جاتىر. اسكەريلەر پالەستينا تۇرعىندارىنا مىسىرعا قاشۋعا كەڭەس بەرەدى.
اراب مەملەكەتتەرى ليگاسى 11 قازاندا گازا سەكتورىنداعى جاعدايعا بايلانىستى شۇعىل جيىن وتكىزەتىنى بەلگىلى بولدى.
سونىمەن قاتار قر سىرتقى ىستەر مينيسترلىگىنىڭ رەسمي وكىلى ايبەك سمادياروۆ مينيسترلىك مەسسەندجەردە ارنايى چات قۇرعانىن, ونىڭ قۇرامىنا يزرايلدە ۋاقىتشا جانە تۇراقتى تۇراتىن 200-گە جۋىق قازاقستان ازاماتى ەنگەنىن ايتتى.
سىرتقى ىستەر مينيسترلىگىنىڭ مالىمەتىنشە, گازا سەكتورىندا 25-كە جۋىق قازاق وتباسى ءومىر سۇرەدى.
