«جاسىن – «حابار» اگەنتتىگىندە شىڭدالىپ, جەتىلگەن جۋرناليست. جاڭالىقتاردا تىلشىلىكتەن باستاپ شەف-رەداكتور قىزمەتىنە دەيىن وسكەن بىلىكتى مامان. ەندى ەلىمىزدىڭ باستى اقپارات ارناسىن باسقارىپ, ۇجىممەن بىرگە جاڭالىقتاردىڭ ساپاسىن, جالپى ارنانى جوعارى بەلەستەرگە كوتەرەتىنىنە سەنىمدىمىن», دەيدى «حابار» اگەنتتىگى» اق باسقارما توراعاسى كەمەلبەك ويشىباەۆ.
جاسىن ەرسىن ۇلى 1989 جىلى سولتۇستىك قازاقستان وبلىسىندا تۋعان. ەڭبەك جولىن 2006 جىلى باستاپ, ءار جىلدارى مترك (پەتروپاۆل), «قازاقستان-پەتروپاۆل», سونداي-اق, «قازاقستان» جانە «7 كانال» تەلەارنالارىندا جۇمىس ىستەگەن.
2015 جىلى جۇمىسىن «24.kz» تەلەارناسىندا جالعاستىرعان. 2015-2016 جىلدارى «حابار 24» تەلەارناسىنىڭ ۋكراينا رەسپۋبليكاسىنداعى, 2019-2021 جىلدارى وزبەكستان رەسپۋبليكاسىنداعى مەنشىكتى ءتىلشىسى بولعان.
2022 جىلعى مامىردان بەرى «اتىراۋ-اقپارات» جشس-ءنىڭ ديرەكتورى لاۋازىمىن اتقاردى.
