فوتو: primeminister.kz
ۇكىمەت باسشىسى حولدينگتىڭ رەسپۋبليكا اۋماعىنداعى جوبالارعا ينۆەستيتسيا سالۋ نيەتىن جوعارى باعالايتىنىن ايتتى. ء ا.سمايىلوۆ بۇگىندە ەلىمىزدە تۇرىك كاپيتالىنىڭ قاتىسۋىمەن 4 مىڭنان استام كومپانيا جۇمىس ىستەيتىنىن جەتكىزدى. اتاپ ايتقاندا, تاۋ-كەن مەتاللۋرگيا كەشەنى, ينفراقۇرىلىم, تاماق ونەركاسىبى جانە فارماتسەۆتيكا سياقتى سالالاردا جوبالار ىسكە قوسىلدى. «ەكى ەل اراسىنداعى قالىپتاسقان ورنىقتى سەنىم دەڭگەيى مەن ىنتىماقتاستىققا دەگەن ورتاق ۇمتىلىس بىزگە جاڭا پەرسپەكتيۆالار اشۋعا مۇمكىندىك بەرەدى», دەدى پرەمەر-مينيستر.
«ۇكىمەت باسشىسى اتاپ وتكەندەي, بۇگىندە ەلىمىزدە ينۆەستورلار ءۇشىن بارلىق قاجەتتى جاعدايلار جاسالعان جانە زاماناۋي ينستيتۋتسيونالدىق ورتا قالىپتاسقان. اتاپ ايتقاندا, باسىم سالالارداعى جوبالاردى جۇزەگە اسىرۋ اياسىندا كەدەندىك تولەمدەردەن بوساتۋ, ءتۇرلى سالىق جەڭىلدىكتەرى, سالىق زاڭناماسىنىڭ تۇراقتىلىعىنا كەپىلدىكتەر جانە ت.ب. قاراستىرىلعان. احمەت ەرەن ءتيىستى ينۆەستيتسيالىق شەشىمدەر قابىلداۋ ءۇشىن حولدينگتىڭ قازاقستاندا الەۋەتتى جوبالاردى زەردەلەۋگە دايىن ەكەنىن ايتتى», دەلىنگەن حابارلامادا.
ء«بىز ءوندىرىستى كەڭەيتەمىز جانە ينۆەستيتسيالىق جاڭا مۇمكىندىكتەردى قاراستىرىپ جاتىرمىز. بۇل قاعاز ءوندىرىسى, ەنەرگەتيكا جانە توقىما ونەركاسىبى سياقتى سالالار بولۋى مۇمكىن. ءبىز تاۋ-كەن مەتاللۋرگيا كەشەنىنە دە ينۆەستيتسيا سالۋعا دايىنبىز. بۇل رەتتە, جۇمىستىڭ جوعارى ساپاسىنا قول جەتكىزۋگە مۇمكىندىك بەرەتىن تەحنولوگيالار بار. سوندىقتان ينۆەستيتسيا ماسەلەلەرىن بىرلەسىپ قاراستىرعىمىز كەلەدى», دەدى Eren Holding باسشىسى.
كەزدەسۋدە قازاقستان اۋماعىندا الەۋەتتى ينۆەستيتسيالىق جوبالار پۋلىن پىسىقتاۋ جانە بارلىق وزەكتى ماسەلەلەر بويىنشا بەلسەندى ديالوگتى قولداۋ تۋرالى كەلىسىم جاسالدى.
