فەستيۆالدىڭ ماقساتى – قازاق حالقىنىڭ ونەرى مەن مادەنيەتىن قازاقستاندا تۇراتىن ەتنوستىق توپتار اراسىندا جان-جاقتى ناسيحاتتاۋ, قازاقستاندىق پاتريوتيزم مەن ەلىمىزدىڭ كوپتۇرلى مادەني ەرەكشەلىكتەرىن دامىتۋ, ورىنداۋشىلاردىڭ كاسىبي شەبەرلىگىن ارتتىرۋ. قازاقستان حالقىنىڭ بىرلىگىن ساقتاۋ جانە ەلىمىزدىڭ كوپتۇرلى مادەني ەرەكشەلىكتەرىن دامىتۋ.
بۇل شاراعا بارلىق ەتنو-مادەني بىرلەستىكتەر جانە قازاق ۇلتتىق ونەرىن جەتىك مەڭگەرگەن (دومبىرا, قوبىز, سىرناي, تاعى باسقا قازاق ۇلتتىق اسپاپتارىندا وينايتىندار, قازاق ءانى مەن ءبيىن ورىندايتىندار) ەتنوستىق توپ وكىلدەرىنىڭ جەكە جانە توپتىق ورىنداۋشىلارى قاتىستى.
تالاپ بويىنشا ورىندالاتىن شىعارمالاردىڭ ۋاقىتى 5 مينۋتتان اسپاۋى قاجەت.
فەستيۆال ءىى كەزەڭنەن تۇرادى: ءى كەزەڭگە قازاقستاننىڭ بارلىق وڭىرلەرىنىڭ ەتنو-مادەني بىرلەستىكتەرىنىڭ وكىلدەرى ونلاين فورماتتا قاتىسادى جانە ەكىنشى كەزەڭگە ىرىكتەۋدەن وتەدى. فەستيۆالدىڭ ۇيىمداستىرۋ كوميتەتىنىڭ ىرىكتەۋىنەن ءىى كەزەڭگە وتكەن قاتىسۋشىلار الماتى قالاسىندا قازان ايىنىڭ 22-سىندە, ساعات 18.00-دە جامبىل اتىنداعى قازاق مەملەكەتتىك فيلارمونياسىنىڭ ۇلكەن زالىندا وتەتىن گالا-كونتسەرتتە ونەر كورسەتەدى.
فەستيۆالدىڭ قاتىسۋشىلارىنا العىس حاتتار تاپسىرىلادى.
شاراعا قاتىسۋ شارتتارى, قوياتىن تالاپتارى جامبىل اتىنداعى قازاق مەملەكەتتىك فيلارمونياسىنىڭ الەۋمەتتىك جەلىلەرىندە ورنالاستىرىلدى.
الماتى
