فوتو: ۆيدەودان سكرينشوت
حانچجوۋ قالاسىندا (قىتاي) ءوتىپ جاتقان جازعى ازيا ويىندارىندا ەرلەر اراسىندا 210 شاقىرىمدىق توپتىق شوسسەدە ۆەلوسپورتتان جەكەلەي جارىس ءوتتى.
قازاقستان قۇراماسىنان ستارت سىزىعىنا ءتورت سپورتشى شىقتى. ولار: گلەب برۋسەنسكي, ەۆگەني فەدوروۆ, دميتري گرۋزدەۆ جانە الەكسەي لۋتسەنكو. فەدوروۆ پەن لۋتسەنكو جارىستىڭ العاشقى كەزەڭدەرىندە سەنىمدى تۇردە العا شىقتى. جارىستىڭ ناتيجەسى بويىنشا, ەۆگەني فەدوروۆ التىن جۇلدەگەر اتانسا, الەكسەي لۋتسەنكو كۇمىس جۇلدەنى جەڭىپ الدى. تاعى ايتا كەتەتىن جايت, ەكى سپورتشىمىز دا بىردەي ۋاقىتتا مارەگە جەتتى (4:25:29).
پوسموترەت ەتۋ پۋبليكاتسيۋ ۆ Instagram
قولا موڭعوليا وكىلى جامبالتسامەت سايبايارعا بۇيىردى. گرۋزدەۆ بەسىنشى, ال برۋسەنسكي 18-بولىپ مارەگە جەتتى.
ەستەرىڭىزگە سالا كەتەيىك, بۇعان دەيىن الەكسەي لۋتسەنكو ازيا ويىندارىندا ۋاقىت بويىنشا جەكەلەي ەسەپتە التىن العان بولاتىن.
وسىلايشا, قازاقستان قورجىنىندا قازىر 53 مەدال بار: التى التىن, 12 كۇمىس جانە 35 قولا.
ايتا كەتەيىك, حانچجوۋداعى ازيا ويىندارى 8 قازاندا اياقتالادى.
