بۇل فوتو تۋرالى كەزىندە ايتىلدى, جازىلدى... بىراق مۇنداعى ادامداردىڭ كىمدەر ەكەنى جونىندە تولىق اقپار ءالى كۇنگە دەيىن جوق. دەسە دە, بۇل تۇلعالار تۋرالى دەرەكتى بىلەتىن ادام بار ەكەن. ول الماتى قالاسىنىڭ تۇرعىنى – جاسى 94-كە شىققان كەيۋانا ىڭكار باپينا اپامىز.
بۇل كىسى جوعارىداعى فوتوسۋرەتشى مۇحامەتجان يۋسۋپوۆتىڭ تۋعان قىزى. اپامىزدىڭ ايتۋىنا قاراعاندا, اكەسى مۇحامەتجان ابدىكارىم ۇلى 1896 جىلى شاۋەشەك قالاسىندا تۋىپتى. 1955 جىلى قازاقستانعا كوشىپ كەلىپ, 1975 جىلى فرۋنزە (بىشكەك) قالاسىندا دۇنيەدەن ءوتىپتى.
اپامىزدىڭ قولىندا ساقتالعان بۇل فوتونىڭ سىرتىنا مۇحامەتجان فوتوگراف ءوز قولىمەن بىلاي دەپ جازىپتى: ء«ۇشبۋ ءراسىم 1918 جىلى اپرەلدىڭ اقىرىندا شاۋەشەكتە تۇسىرىلگەن. ارتقى جاقتا تۇرەگەپ تۇرعاندار (سول جاقتان): 1. حاسەن بالۋان, 2. ىسقاق بالۋان, 3.راحىمجان, 4. حاسەنجان, 5. نياز ىسقاق, 6. عاريف بورناش, مۇعالىم, 7. عافيز ورازالين, 8, 9, 10 جازىلماعان, 11. قابىش سەيفۋللين, 12. زەينۋن سەيفۋللين, 13. مۇحامەتجان يۋسۋپوۆ (اپپاراتىن دايىنداپ قويىپ ءوزى جۇگىرىپ كەلىپ تۇرا قالعان), شەتتە وتىرعان اقىن اسەت نايمانباەۆ. بۇل قاتاردا اتاقتى قاناعات بولىس سۇلەيمەن ۇلى وتىر. بىراق بۇل كىسىنىڭ بەتىن اقىن نياز ىسقاق ۇستاپ تۇرعان اق پاراق جاۋىپ قالعان.
سۋرەتتە: ورىندىقتا وتىرعاندار (سولدان): 1. ۇرجارلىق سۋديا سادىق امانجولوۆ, 2. مىرجاقىپ دۋلات ۇلى, 3. احمەت بايتۇرسىن ۇلى, 4. رايىمجان مارسەكوۆ.
الدا وتىرعاندار (سولدان): 1..., 2. عاني قاري, 3. يبراحيم قۇلماحانبەتوۆ, 4. سابىرجان حاميدي, 5. ناۋبايشى سەربوسىن.
