فوتو: ElDala.kz
«KazAgro/KazFarm» – اۋىل شارۋاشىلىعى سالاسىن تۇراقتى دامىتۋعا جانە اگروونەركاسىپتىك كەشەنگە زاماناۋي تەحنولوگيالاردى ەنگىزۋگە باعىتتالعان بىرەگەي كورمەلەر. بۇل اگروونەركاسىپ سالاسىنداعى جاھاندىق يننوۆاتسيالاردى ۇسىنۋعا ارنالعان كاسىبي الاڭ.
«KazAgro» ەلىمىزدەگى وسىمدىك شارۋاشىلىعىنىڭ ەڭ ءىرى كورمەسى, وندا تۇقىم سەلەكتسياسى, زاماناۋي تەحنولوگيالار مەن جابدىقتار, اۋىل شارۋاشىلىعى ونىمدەرىن ءوندىرۋ, لوگيستيكا بويىنشا قىزمەتتەر كورسەتۋ سىندى ماسەلەلەر كوتەرىلەدى.
«KazFarm» – ەمبريونداردان باستاپ, دايىن ونىمگە دەيىن جانە مال شارۋاشىلىعىنىڭ ءارتۇرلى سالالارىنداعى قىزمەتتەرگە دەيىن تولىق قامتىلعان قازاقستانداعى مال شارۋاشىلىعى مەن ەت-ءسۇت ونەركاسىبىنىڭ كورمەسى. اگروونەركاسىپ كەشەنىن تۇراقتى دامىتىپ, زاماناۋي تەحنولوگيالاردى ەنگىزۋگە باعىتتالعان قازاقستانداعى كەڭىنەن ناسيحاتتالعان اۋىل شارۋاشىلىعى ءىس-شارالارىنىڭ ءبىرى.
«KazAgro/KazFarm-2023» حالىقارالىق كورمەلەرىندە قازاقستاننىڭ اوك-دە اگرارلىق عىلىمنىڭ سوڭعى الەمدىك جەتىستىكتەرىن ەنگىزۋگە ىقپال ەتەتىن جەتەكشى الەمدىك اگروكونتسەرندەردىڭ, يننوۆاتسيالىق تەحنولوگيالار مەن اگرارلىق سەكتوردى دامىتۋ باعدارلامالارىنىڭ بىرقاتار جاڭا اۋىل شارۋاشىلىعى تەحنيكالارى مەن جابدىقتارى ۇسىنىلاتىن بولادى.
جىل سايىن KAZAGRO جانە KAZFARM الاڭدارى حالىقارالىق اۋىل شارۋاشىلىعى كورمەلەرىنە قاتىسۋشى 1000-نان استام دەلەگات جينايدى. بۇل كورمەلەر ەلىمىزدىڭ تاۋار ونىمدىلىگىن كورسەتىپ قانا قويماي, الەمنىڭ ءتۇرلى ەلدەرى اراسىنداعى قارىم-قاتىناستى نىعايتادى. اتالعان ءىس - شارا 20 ەلدەن 200-دەن استام كومپانيانى بىرىكتىرەدى, سونىڭ ىشىندە: اۆستريا, بەلارۋس, گەرمانيا, يسپانيا, كانادا, قىتاي, پولشا, رەسەي, اقش, تۇركيا, ۋكراينا, يتاليا, قازاقستان جانە ت.ب.
كورمەلەردىڭ ىسكەرلىك باعدارلاماسى جەتەكشى سالا ماماندارىنىڭ, اۋىل شارۋاشىلىعى كاسىپورىندارى مەن يننوۆاتسيالىق ورتالىقتاردىڭ باسشىلارىنىڭ قاتىسۋىمەن پرەزەنتاتسيالار, بيزنەس-ميسسيالار جانە بىرقاتار سەمينارلاردى وتكىزۋدى كوزدەيدى.
حالىقارالىق كورمەلەردىڭ باستى وقيعاسى تمد-عا مۇشە مەملەكەتتەردىڭ قاتىسۋىمەن ازىق-ت ۇلىك قاۋىپسىزدىگى سالاسىنداعى ىنتىماقتاستىق جونىندەگى مينيسترلىك كونفەرەنتسياسى بولماق.
كورمەلەر قازاقستان رەسپۋبليكاسىنىڭ اۋىل شارۋاشىلىعى مينيسترلىگى, گەرمانيانىڭ ازىق-ت ۇلىك جانە اۋىل شارۋاشىلىعى فەدەرالدى مينيسترلىگى جانە استانا قالاسىنىڭ اكىمدىگىنىڭ رەسمي قولداۋىمەن وتەدى.
ايتا كەتەيىك, «KazAgro/KazFarm-2023» حالىقارالىق كورمەلەرىنىڭ رەسمي اشىلۋ سالتاناتى 2023 جىلعى 19 قازاندا ساعات 11:00-دە باستالادى.
