ولاردىڭ قاتارىندا ءال-ازھار اكادەمياسىنىڭ باس حاتشىسى نازير اياد, كاۆكاز مۇسىلماندارى باسقارماسىنىڭ توراعاسى شەيح پاشازادە, يەرۋساليم پاتريارحى فەوفيل III, دۇنيەجۇزىلىك بۋدديستەر قاۋىمداستىعىنىڭ باس حاتشىسى مونتيان تانانارت, سونداي-اق باسقا دا ءدىني جەتەكشىلەر, ساياسي قايراتكەرلەر, حالىقارالىق ۇيىمداردىڭ وكىلدەرى جانە الەمدىك جەتەكشى باق وكىلدەرى قاتىسادى.
سەزد حاتشىلىعىنىڭ ءححى وتىرىسىنا قازاقستان رەسپۋبليكاسى پارلامەنتى سەناتىنىڭ توراعاسى, سەزد حاتشىلىعىنىڭ مەڭگەرۋشىسى ماۋلەن اشىمباەۆ توراعالىق ەتەدى.
كۇن تارتىبىندەگى باستى ماسەلە – VII سەزدە مەملەكەت باسشىسى قاسىم-جومارت توقاەۆتىڭ باستاماسىمەن كوتەرىلگەن الەمدىك جانە ءداستۇرلى دىندەر ليدەرلەرى سەزىنىڭ 2023 – 2033 جىلدارعا ارنالعان دامۋ تۇجىرىمداماسىن تالقىلاۋ جانە قابىلداۋ.
اتاپ وتەيىك, فورۋمنىڭ جۇمىس ورگانى بولىپ تابىلاتىن سەزد حاتشىلىعى جىل سايىن سەزد شەشىمدەرىن جۇزەگە اسىرۋ ءۇشىن جينالادى. حاتشىلىق 2003 جىلى 23-24 قىركۇيەكتە استانا قالاسىندا وتكەن الەمدىك جانە ءداستۇرلى دىندەر كوشباسشىلارىنىڭ ءبىرىنشى سەزىنە قاتىسۋشىلاردىڭ شەشىمىمەن قۇرىلعان.
بيىل بىرەگەي حالىقارالىق الاڭ – الەمدىك جانە ءداستۇرلى دىندەر ليدەرلەرىنىڭ سەزىنە 20 جىل تولىپ وتىر.
