فوتو: بەينەكادر
ەسكە سالايىق, مەشىتتە ناماز وقىلىپ جاتقان ۋاقىتتا مەشىت يمامىنىڭ كىشكەنتاي بالانى ۇرىپ جىبەرگەنى تۋرالى ۆيدەو تارالىپ, قىزۋ تالقىعا تۇسكەن ەدى.
«كەلەڭسىز وقيعادان كەيىن ەڭبەكشىقازاق اۋدانىنىڭ اكىمشىلىك قىزمەتكەرلەرى, شەلەك اۋىلىنىڭ تۇرعىندارى, ءدىن قىزمەتكەرلەرى, مەشىت جاماعاتى جانە بالانىڭ اتا-اناسىنىڭ قاتىسۋىمەن ارنايى كەزدەسۋ ءوتتى. جيىندا يمام قاتەلىگىن مويىنداپ, بالانىڭ اتا-اناسىنان, سونداي-اق كوپشىلىكتەن كەشىرىم سۇرادى. بالانىڭ زاڭدى وكىلدەرى يمامنىڭ كەشىرىمىن قابىل الىپ, ەكى تاراپ ءوزارا بىتىمگە كەلدى», دەلىنگەن حابارلامادا.
قمدب اتالعان وقيعادان ءتيىستى قورىتىندى شىعارعانىن جانە بالانى ۇرعان ءدىن قىزمەتكەرىنە شارا قولدانىلعانىن حابارلادى. باس ءمۇفتيدىڭ بۇيرىعىمەن «حيدايات» مەشىتىنىڭ يمامى جۇمىستان شىعارىلدى.
ۆيدەودان ساپتا تۇرعان بىرنەشە ادامنىڭ ناماز وقىپ جاتقانىن, اراسىندا بىرنەشە بالانى, ونىڭ ىشىندە ءبىر بالانىڭ ءارلى-بەرلى جۇگىرىپ جۇرگەنىن كورۋگە بولادى. وعان كىسىلەر ءمان بەرمەستەن, ناماز وقۋدى جالعاستىرادى. ءبىر كەزدە بالا يمامعا جاقىنداعاندا, ول ونى بەتىنەن ۇرىپ جىبەرەدى. بالا سول جەردە شالقاسىنان قۇلاپ تۇسكەن.
