مەملەكەت باسشىسى Bayer كومپانياسىنىڭ زاماناۋي مەديتسينالىق ونىمدەرىنە قول جەتكىزۋگە, سونداي-اق زەرتحانالار اشۋعا جانە بىرلەسكەن عىلىمي-زەرتتەۋ جوبالارىن جۇزەگە اسىرۋعا قازاقستاننىڭ زور قىزىعۋشىلىق تانىتىپ وتىرعانىنا نازار اۋداردى.
Bayer AG – دەنساۋلىق ساقتاۋ جانە اۋىل شارۋاشىلىعى سالالارىنا ارنالعان مەديتسينالىق-بيولوگيالىق شەشىمدەر ازىرلەۋگە ماماندانعان حالىقارالىق كونتسەرن.
قاسىم-جومارت توقاەۆ قازاقستاننىڭ بيوتەحنولوگيالىق كلاستەردى دامىتۋ جۇمىستارىن بەلسەندى جۇرگىزىپ جاتقانىن اتاپ ءوتتى. سونداي-اق اتالعان باعىتتاردا ازىرلەمەلەر دايىنداپ, وندىرىسكە ەنگىزۋ ءۇشىن QazBioPharm ۇلتتىق بيوفارماتسەۆتيكالىق حولدينگى قۇرىلعانى جونىندە ايتتى.
سونىمەن قاتار كەزدەسۋدە قازاقستانعا جاڭا دارىلىك زاتتار اكەلۋ راسىمدەرىن جەڭىلدەتۋ ءۇشىن ناقتى شارالار قابىلداۋ ماسەلەسى تالقىلاندى.
مەملەكەت باسشىسى ەلىمىزدىڭ اۋىل شارۋاشىلىعىندا قولدانىلاتىن تىڭايتقىشتار, پەستيتسيدتەر جانە باسقا دا بيوحيميالىق زاتتار ءوندىرۋ ءۇشىن كاسىپورىن اشۋ ايرىقشا ماڭىزعا يە ەكەنىنە نازار اۋداردى. پرەزيدەنتتىڭ پىكىرىنشە, سەلەكتسيا, گەندىك ينجەنەريا سالالارىنداعى عىلىمي جانە ىسكەرلىك بايلانىستاردى دامىتۋعا مول الەۋەت بار.
