مەملەكەت باسشىسى «قازمۇنايگاز» ۇك» اق مەن Linde GmbH اراسىنداعى ىنتىماقتاستىق جانە ءوزارا تۇسىنىستىك تۋرالى مەموراندۋمعا قول قويىلۋىن قۇپتادى. بۇل كەلىسىم بويىنشا ەلىمىزدىڭ مۇناي-گاز حيمياسى سالاسىندا قازىرگى جانە كەلەشەكتەگى جوبالاردى ىسكە اسىرۋ كوزدەلگەن.
بۇعان دەيىن قول جەتكىزىلگەن كەلىسىمدەرگە سايكەس, Linde كومپانياسى ءوز تەحنولوگياسى نەگىزىندە پوليەتيلەن وندىرىسىندە قولدانىلاتىن ەتاندى ىدىراتۋ (كرەكينگ) جانە اۋانى ءبولۋ (ازوت, تەحنيكالىق اۋا) قوندىرعىلارىنىڭ كەڭەيتىلگەن بازالىق جوباسىن ازىرلەپ جاتىر.
پرەزيدەنتكە قۋاتى جىلىنا 1,3 ميلليون توننا بولاتىن كارباميد وندىرىسىنە قاتىستى جوباعا كومپانيانىڭ بىرلەسە ينۆەستيتسيا سالۋعا قىزىعۋشىلىق تانىتىپ وتىرعانى ايتىلدى.
قاسىم-جومارت توقاەۆ اتالعان ءوندىرىستىڭ مۇناي حيمياسى ونەركاسىبىن دامىتۋعا عانا ەمەس, اۋىل شارۋاشىلىعى ءۇشىن دە ماڭىزى زور ەكەنىن, اسىرەسە وندىرىلەتىن تىڭايتقىشتىڭ كۇرىش پەن ءداندى داقىلداردى ءوسىرۋ كەزىندە كەڭىنەن قولدانىلاتىنىن اتاپ ءوتتى.
