پرەزيدەنت قازاقستاننىڭ ەكونوميكانى ارتاراپتاندىرۋعا جانە ونەركاسىپ ءوندىرىسىن دامىتۋعا ۇمتىلاتىنىن اتاپ ءوتتى. بۇل ستراتەگيادا ماشينا جاساۋ سالاسى ەرەكشە ورىن الادى.
قاسىم-جومارت توقاەۆ قازىرگى تاڭدا ەلىمىزدە General Electric, General Motors, Chevrolet, Kia جانە Hyundai سەكىلدى تانىمال الەمدىك كومپانيالار تابىستى جۇمىس ىستەپ جاتقانىن ايتتى. بىلتىر قازاقستاندا وندىرىلگەن اۆتوموبيل سانى 100 مىڭنان اسىپ, 28 پايىزعا ۇلعايعان. ەكسپورت ەكى ەسە ءوسىپ, 3,8 ميلليارد دوللارعا جەتكەن.
نەمىس اۆتوكونتسەرنىنىڭ باسشىسى پرەزيدەنتكە كومپانيانىڭ جاھاندىق جەتكىزۋ تىزبەگىن دامىتۋ ىسىندەگى تىڭ تاسىلدەر جانە قازاقستان ەكونوميكاسى ءۇشىن اشىلاتىن جاڭا مۇمكىندىكتەر تۋرالى مالىمەت بەردى.
Mercedes-Benz Group – الەمدەگى اۆتوكولىك وندىرەتىن جەتەكشى كومپانيالاردىڭ ءبىرى. 2022 جىلى كومپانيا 2,5 ميلليونعا جۋىق اۆتوموبيل قۇراستىرىپ شىعارعان.
بىلتىر Mercedes-Benz Group الەمدەگى ەڭ ءىرى كومپانيالاردىڭ Forbes Global 2000 تىزىمىندە 41-ورىنعا, ال Fortune Global 500 تىزىمىندە 38-ورىنعا يە بولعان.
