جەمقورلىققا بەيىم سالالار

قۇرىلىس جانە تۇرعىن ءۇي, ەكولوگيا, جەر قاتىناستارى, كاسىپ­كەر­لىك, ەكونوميكا جانە قارجى, الەۋمەتتىك سالا, ين­فرا­قۇرىلىم مەن جول – سىنعا ىلىك­كەن سالالار ساناتىندا. ماسەلەن, بيىل كاسىپكەرلىك قىزمەتكە ارالاسقانى ءۇشىن 3 لاۋازىمدى تۇلعا اكىمشىلىك جاۋاپكەرشىلىككە تارتىلعان. سون­داي-اق رۇقسات بەرۋ ءتارتى­بى مەن مەرزىمىن بۇزعان تاعى 4 تۇلعانىڭ ارەكەتى اشكە­رە­لەن­گەن. جەمقورلار قولدى قىلعان 9,2 ملرد تەڭگە قاي­تا­رىلىپ,  تاعى 5,4 ملرد تەڭگە كو­لە­­مىندەگى قارجى بۇعات­تال­­عان.

«وڭىرلىك پروبلەمالاردىڭ ەرەكشەلىگىن ەسكەرە وتىرىپ, اگەنت­تىك وبلىس پەن رەسپۋب­ليكالىق ماڭىزى بار قالا­لار ءۇشىن سىبايلاس جەمقور­لىق تاۋەكەلدەرىنىڭ كارتاسىن ازىر­لەدى. كارتادا ۇدەرىس­تەر­دىڭ اشىقتىعىنا, اكىم­شى­­لىك كەدەرگىلەردىڭ بولۋى­نا, زاڭ­نامانىڭ جەتىل­مە­گەندىگىنە بايلانىستى شە­شىمىن تابۋ مۇم­كىن ەمەس وزەكتى ماسەلەلەردىڭ تىز­­­بەسى ۇسىنىلعان. ونى ىسكە اسىرۋ شەڭ­بەرىندە بيىل سىبايلاس جەم­قور­لىق­قا قارسى 8 مونيتورينگ جانە سىبايلاس جەمقورلىق تاۋەكەل­دە­رىنە 3 سىرتقى تالداۋ جۇر­گى­زىلدى. ناتيجەسىندە, 129 ۇسى­­نىس ەنگىزىلىپ, 24 تۇلعا جاۋاپ­كەر­شىلىككە تارتىلدى», دەيدى سىباي­لاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنت باسشىسى ارمان راحيموۆ.

الماتىدا 350 مىڭعا جۋىق شاعىن جانە ورتا كاسىپ­كەرلىك سۋبەكتىلەرى تىركەل­گەن. ا.ءراحي­موۆ­تىڭ ايتۋىن­شا, بيزنەس سالاسى مەم­لە­كەتتىك ورگاننىڭ ەرەكشە باقىلاۋىندا. كاسىپكەرلەردى قورعاۋعا باعىتتالعان «بيزنەس جول» جوباسى اياسىندا بەس بىردەي كەزدەسۋ ءوتىپ, وعان ەكى مىڭنان استام كاسىپكەر قا­تىس­قان. كاسىپ يەلەرىن الاڭ­دات­قان 26 كۇردەلى ماسەلە وڭ­تايلى شەشىم تاۋىپ, بار­لى­عى التى ءجۇز ازاماتتىڭ  قۇقى قورعالعان.

اگەنتتىك ىسكە قوسقان «سى­­بايلاس جەمقورلىققا قار­سى ۆولون­تەرلىك» جوباسى بىر­­نە­شە قىلمىستىڭ بەتىن اشۋعا سەپ بولعان. زاڭسىز­دىق­­قا بەيجاي قارامايتىن 100-گە جۋىق ازامات سىبايلاس جەمقورلىققا قارسى قىز­مەت­كە بەلسەندى قاتىسۋعا نيەت ءبىلدىرىپتى. «سىبايلاس جەم­­قورلىققا توزبەۋشىلىك بو­يىنشا قوعامنىڭ سا­نا­سىن وزگەرتەتىن الدىن الۋ جۇمىستارى وڭ ناتيجە بە­رىپ وتىر. بۇرىن حالىق پارا الۋ فاكتىلەرى تۋرالى ءجيى جۇگى­نە­تىن بولسا, ەندى مەم­لە­كەتتىك قىز­مەت­شىلەردىڭ وزدەرى ولارعا ۇسى­نىلاتىن سىي­­اقى­لار تۋرالى بەلگى بەرەدى», دەيدى ا.راحيموۆ.

بىلتىر الماتىدا سىبايلاس جەمقورلىققا قاتىستى قۇقىق بۇزۋ­شىلىقتار تۋرالى حابار­لا­عانى ءۇشىن 2,6 ملن تەڭگە سوماسىندا 13 ازا­مات­تىڭ ەڭبەگى قارجىلاي باعا­­لانعان. ال وسى جىلى جەم­قور­لىقتى انىقتاۋعا كومەك­تەس­كەن­دەرگە 520 مىڭ تەڭگە سىياقى تولەنگەن.

الماتى