فوتو: اشىق دەرەكوز
اتالعان ساباققا ءال-فارابي اتىنداعى قازاق ۇلتتىق ۋنيۆەرسيتەتى ء(ال-فارابي اتىنداعى قازۇۋ), حالىقارالىق اقپاراتتىق تەحنولوگيالار ۋنيۆەرسيتەتى (حاتۋ) مەن ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتى (ابىلاي حان اتىنداعى قحق جانە ءاتۋ) سىندى الماتىداعى ءىرى وقۋ ورىندارىنىڭ جۋرناليستيكا فاكۋلتەتىنىڭ ستۋدەنتتەرى قاتىستى.
ساباقتىڭ ماقساتى – جۋرناليستيكا سالاسىنا اياق باسقان تىلشىلەردىڭ ساۋاتتى جازۋىنا, جازۋ شەبەرلىگىن قالىپتاستىرۋعا باعىت-باعدار بەرىپ, جاس بۋىن ارقىلى باق ءتىلىن جانداندىرۋ. ساباققا قاتىسۋشىلار ەسەي جەڭىس ۇلى ۇسىنعان تاپسىرمالاردى ورىنداپ, نەبارى 7 مينۋتتا زامەتكا جانرىندا ماتەريال جازىپ شىقتى.
باس رەداكتور ءار ءتىلشىنىڭ ماتەريالىن تالداي وتىرا, باق ءتىلىنىڭ, عىلىم ءتىلىنىڭ كالكالانىپ بارا جاتقانىن ءتۇسىندىرىپ, قاتەمەن جۇمىس جۇرگىزدى. «قازاق ءتىلى قالانىڭ ءتىلى بولماي, وسپەيمىز! قالانىڭ ءتىلى دەگەن نە؟ قالانىڭ ءتىلى دەگەنىمىز – عىلىمنىڭ ءتىلى» دەپ, تاجىريبەلى جۋرناليست ستۋدەنتتەردى ساۋاتتى جازۋعا شاقىردى.
ايسۇلۋ سەزحان,
ءتىلشى
