جوعارى وقۋ ورنى تاراتقان اقپاراتقا سۇيەنسەك, ۋنيۆەرسيتەت ۇرپاقتار ساباقتاستىعىن دامىتىپ, تۇلەكتەر مەن ستۋدەنتتەر اراسىنداعى بايلانىستى نىعايتۋ ناتيجەسىندە بۇرىنعى تۇلەكتەر قازىرگى ستۋدەنتتەرگە بەلسەندى تۇردە قولداۋ ءبىلدىرىپ, قامقورلىق كورسەتىپ كەلەدى. سول ءبىر ساباقتاستىقتىڭ ءبىر كورىنىسى – اقان باقىتجاننىڭ «ENU Endowment Fund» قورىنىڭ ماقساتتى كاپيتالىن 10,5 ملن تەڭگەگە تولىقتىرۋى. ول ل.ن.گۋميلەۆ اتىنداعى ەۇۋ-دا «قۇرىلىس» ماماندىعى بويىنشا ءبىلىم العان.
«ENU Endowment Fund» مۇقتاج ستۋدەنتتەرگە كومەكتەسەدى. بۇل – قايىرىمدىلىق. دەر كەزىندە كومەك العان ازاماتتار كەلەشەكتە تابىسقا جەتىپ, ەل دامۋىنا ۇلەس قوسسا, ءبىز ءۇشىن ەڭ جاقسى ماراپات سول بولماق. مەن ۋنيۆەرسيتەت تۇلەكتەرىنىڭ بارلىعىن ءوزى ءبىلىم العان جوعارى وقۋ ورنىنا كومەكتەسۋگە شاقىرامىن. بۇگىنگى ستۋدەنتتەرگە ايتارىم, ءبىلىمدى ادامدار جەتىستىككە جەتەدى. سوندىقتان ءوز بىلىمدەرىڭىزگە ينۆەستيتسيا سالىڭىزدار, ەلدىڭ بولاشاعى – سىزدەردىڭ قولدارىڭىزدا. ستۋدەنتتىك ءومىرىڭىزدى جارقىن ءارى بەلسەندى وتكىزۋدى ۇمىتپاڭىز, ويتكەنى ارادا جىلدار وتكەن سايىن ءدال وسى ستۋدەنتتىك شاقتى ەسىڭىزگە الىپ وتىراسىز», دەيدى ۋنيۆەرسيتەت تۇلەگى, كاسىپكەر ا.باقىتجان.
وسىلايشا, ەۇۋ تۇلەكتەرى مەن مەتسەناتتاردىڭ ۋنيۆەرسيتەت دامۋىنا قوسقان ۇلەسىنە ارنالعان داڭق اعاشىنىڭ جاپىراعىنا اقان باقىتجاننىڭ ەسىمى جازىلدى.
«ENU Endowment Fund» قورىن 2022 جىلدىڭ ءساۋىر ايىندا دارىندى جانە مۇقتاج ستۋدەنتتەردى قولداۋ ماقساتىندا ۋنيۆەرسيتەت تۇلەكتەرى قۇرعان بولاتىن. قوردىڭ ماقساتتى كاپيتالىنا قول سۇعىلمايدى, وندا قارجى تەك جيناقتالادى. ودان تۇسكەن ينۆەستيتسيالىق تابىس ەسەبىنەن عانا جوبالاردى قارجىلاندىرۋدى جۇزەگە اسىرۋ جوسپارلانعان.
