ەسىل وزەنىن بالىقتاندىرۋعا باعىتتالعان ءىس-شاراعا ەكولوگيا جانە تابيعي رەسۋرستار مينيسترلىگىنىڭ, استانا قالاسى اكىمدىگىنىڭ, قوعامدىق بىرلەستىكتەردىڭ, عىلىمي ۇيىم مەن بۇقارالىق اقپارات قۇرالدارىنىڭ وكىلدەرى, ەلوردا تۇرعىندارى قاتىستى.
جىل سايىنعى بالىقتاندىرۋ تابيعي سۋ ايدىندارىنىڭ بالىق رەسۋرستارىن ساقتاۋ جانە تۇراقتى پايدالانۋ, سونداي-اق استانالىقتاردىڭ دەمالىسى ءۇشىن رەكرەاتسيالىق جاعدايلار جاساۋ ماقساتىندا وتكىزىلەدى. وسىلايشا بارلىعى ءوز قارماعىمەن قالا جاعالاۋىنا شىعىپ, بوس ۋاقىتىندا بالىق اۋلاپ دەمالا الادى.
وسى ورايدا بالىق وسىرەتىن كاسىپورىندار وسى جىلدىڭ باسىنان باستاپ قازاقستاننىڭ سۋ قويمالارىنا مەملەكەتتىك تاپسىرىس اياسىندا باعالى بالىق تۇرلەرىنىڭ 80 ملن شاباعىن جىبەرگەنىن اتاپ وتكەن ءجون. سونىمەن قاتار قازان ايىنىڭ سوڭىنا دەيىن ارال-سىرداريا, بالقاش-الاكول, زايسان-ەرتىس جانە ەسىل باسسەيندەرىنىڭ سۋ ايدىندارىنا تاعى 20 ملن دانا شاباق جىبەرۋ جوسپارلانىپ وتىر.
