فوتو: اشىق دەرەككوز
قازاقستان سپورتشىلارى 30 سپورت تۇرىنەن 305 مەدالدى ساراپقا سالادى. قازاقستان قۇراماسى ازيا ويىندارىنا 1994 جىلدان بەرى قاتىسىپ كەلەدى.
«قازاقستان حانچجوۋعا سپورتتىڭ 30 تۇرىنەن 525 سپورتشىنى جەتكىزەدى. ونىڭ 27-ءسى وليمپيادا باعدارلاماسىنا ەنگەن, قالعان ۇشەۋى وليمپيادالىق ەمەس سپورت تۇرلەرى. سونداي-اق الداعى جارىستا 8 سپورت ءتۇرى بويىنشا پاريج وليمپياداسىنا جولداما ساراپقا سالىنادى. ولار: بوكس, ساداق اتۋ, زاماناۋي بەسسايىس, ءجۇزۋ, برەيك, دوپتى حوككەي, تەننيس جانە جەڭىل اتلەتيكا. سپورتتىڭ 4 تۇرىنەن رەيتينگتىك ۇپايلار ويىنىنا قاتىسادى. ولار: تحەكۆوندو, دزيۋدو, ترياتلون, بادمينتون», دەلىنگەن ۆەدومستۆو حابارلاماسىندا.
ازيا ويىندارىنىڭ اشىلۋ سالتاناتى 23 قىركۇيەكتە وليمپيادالىق سپورت ورتالىعىنىڭ ستاديونىندا وتەدى. جارىسقا قۇرلىقتىڭ 45 ەلىنەن 15 مىڭنان استام سپورتشى قاتىسادى. ولار سپورتتىڭ 40 تۇرىنەن 481 مەدال جيىنتىعى ءۇشىن كۇرەسەدى.
