ءۇمىتتى جولدىڭ باستاۋى

الماتى قالاسىنان تۇنگى 02.00-دە كوككە كوتەرىلگەن ۇشاق التى ساعاتتان كەيىن حانچجوۋعا ات باسىن تىرەيدى. سارى قۇرلىقتىڭ 45 ەلىنىڭ ەڭ ۇزدىك دەگەن 15 مىڭعا جۋىق سپورتشىسى سپورتتىڭ 40 تۇرىنەن سىنعا تۇسەدى. قازاقستان قۇراماسى ساپىندا 524 ساڭلاق سپورتتىڭ 30 تۇرىنەن ەل نامىسىن قورعايدى. 

سپورتشىلاردى ءدۇبىرلى دودا­عا شىعارىپ سالۋ ءراسىمى الماتى وبلىسى قاسكەلەڭ قالاسى ما­ڭىن­داعى وليمپيادالىق دايار­لاۋ ورتا­­لىعىندا ءوتتى. وعان تۋريزم جانە سپورت ءمينيسترى ەرمەك مار­­­­جىقپاەۆ, سپورت جانە دەنە شى­نىقتىرۋ ىستەرى كوميتەتىنىڭ تور­اعاسى ەربول مىرزابوسى­نوۆ, سونداي-اق ءامين تۇياقوۆ, ەر­ما­حان ىبىرايىموۆ, ولگا شي­شي­گينا, ولگا رىپاكوۆا, يسلام باي­رامۋكوۆ سىندى سپورت اردا­گەر­لەرى قاتىستى. سالتاناتتى ءىس-شارا باستالماس بۇرىن ازيا ويىن­دارىنىڭ تاريحى, سول سىندا اتوي سالعان ساڭلاقتارىمىزدى قا­زىرگى جاس سپورتشىلارعا تانىس­تى­رۋ ماقساتىندا بەينەروليك ۇسىنىلدى.

اشىلۋ راسىمىندە ءسوز العان مينيستر ە.مارجىقپاەۆ بۇل دودا پاريج وليمپياداسى الدىندا­عى ۇلكەن جارىستىڭ ءبىرى ەكەنىن, كەيبىر سپورت تۇرلەرى بويىنشا ليتسەنزيا ۇلەستىرىلەتىنىن ايتتى.

– ازيا ويىندارىن سارى قۇر­لىقتىڭ وليمپياداسى دەسە دە بولادى. وسىنداي ۇلكەن سپورت مەرەكەسى قارساڭىندا سىزدەردىڭ الدارىڭىزدا سپورت سالاسىنداعى مەملەكەتتىك قىزمەتشى رەتىندە عانا ەمەس, وزدەرىڭىزدەي سپورتشى رەتىندە ساپارلارىڭىزعا اق جول تىلەپ وتىرمىز, – دەدى مينيستر.

سونداي-اق سالا باسشىسى جىل باسىنان بەرى ازيا ويىندارىنا ارنايى دايىندىق رەتىندە 400-دەن استام وقۋ-جات­تىعۋ جيى­نى وتكىزىلگەنىن ايتتى.

– اتالعان ويىنداردىڭ ەرەك­شەلىگى – بوكس, ساداق اتۋ, قا­زىر­گى بەسسايىس, ءجۇزۋ, برەيكينگ, كو­گال­داعى حوككەي, تەننيس, جەڭىل اتلەتيكا سەكىلدى سپورت تۇرلەرىنەن وليمپياداعا ليتسەنزيا بەرىلەدى. ال دزيۋدو, تاەكۆوندو, ترياتلون جانە بادمينتون سەكىل­دى سپورت تۇرلەرىنەن رەيتينگتىك ۇپايلار جيناقتالادى. وسى جول­دا سپورتشىلار مەن جات­تىق­تى­رۋشىلارىمىزعا تەك ساتتىلىك تىلەي­مىن, – دەدى ول.

ءمينيستردىڭ سوزىنە قوسا­رى­مىز, ۇكىمەت وسى دوداعا دا­يىن­دا­لۋ ءۇشىن قىرۋار قار­جى ءبول­دى. سپورتشىلاردىڭ كۇندە­لىكتى دا­يىندىعىمەن قوسا تولەنەتىن جالاقىلارى, ولارعا كور­سەتىلگەن مەديتسينالىق كومەك, ءدارى-دار­مەكتەر, ءتىپتى ازيا ويىندارىنا بارۋعا, شەرۋگە شىعا­تىن كيىم­دەرىنەن بولەك, سپورتتىق جەي­­دە­لەر, سومكەلەر, كەرەك-جاب­دىق­تار­دىڭ مايدا-شۇيدەسىنە دە­يىن ويلاستىرىلعان.

ازيا ويىندارىنىڭ اشى­لۋ سالتاناتىندا ەلىمىزدىڭ تۋىن بوكس­تان الەم چەمپيونى اس­لان­بەك شىمبەرگەنوۆ پەن جەڭىل اتلەتيكادان ۇلتتىق قۇراما ۇزدىگى نادەجدا دۋبوۆيتسكايا ۇستاپ شى­عادى. ن.دۋبوۆيتسكايا – جابىق كەشەندەگى الەم چەمپيوناتى­نىڭ قولا جۇلدەگەرى, ازيا چەم­پيو­ناتىنىڭ جەڭىمپازى, قۇرلىق رە­كوردىنىڭ يەسى. جيىندا ءسوز ال­عان چەمپيون قىز ەلدىڭ ءانۇرا­نىن شىرقاتۋعا بارىن سالاتىنىن, سپورتشىلار اتىنان تازا ءارى ادال سايىسقا تۇسەتىنىن ايتتى.

– ازيادانى بارلىعىمىز تا­عات­سىزدانا كۇتىپ ءجۇرمىز. قا­زاق­­­ستان جەڭىل اتلەتيكا سپورتى بو­يىنشا ازيا ويىندارىندا ءاردا­يىم الدا بولعان جانە بۇل جو­لى دا تولاعاي تابىسقا جەتۋگە مۇم­كىندىك بار. وعان مەملە­كەت تاراپىنان ۇلكەن قولداۋ كور­سە­تىلىپ جاتىر, – دەدى نادەجدا دۋبوۆيتسكايا.

ءىس-شارا سوڭىندا بەلگىلى سپورت ءجۋرناليسى نەسىپ ءجۇنىسباي ۇلى سپورتشىلارعا قولداۋ ءسوزىن ايتسا, جەڭىل اتلەتيكادان كسرو-نىڭ ەڭبەك سىڭىرگەن سپورت شەبەرى ءامين تۇياقوۆ اق باتاسىن بەردى.

الماتى