فوتو: اشىق دەرەككوز
قازاقستان سپورتشىلارى بوكس, دزيۋدو, تاەكۆوندو, كۇرەس, جەڭىل اتلەتيكا, ساداق اتۋ, قازىرگى بەسسايىس, برەيكينگ, بادمينتون, ترياتلون, تەننيس, سۋ سپورتى ء(جۇزۋ جانە ارتيستىك ءجۇزۋ), باسكەتبول, ەسكەك ەسۋ سپورتى, ۆەلوسپورت, سەمسەرلەسۋ, اۋىر اتلەتيكا, گولف, گيمناستيكا, گاندبول, ۆولەيبول, قۇزعا ورمەلەۋ, ەسكەك ەسۋ, رەگبي-7, ۇستەل تەننيسى, اتۋ جانە حوككەي سايىستارىنا قاتىسادى. سونىمەن قاتار وتاندىق سپورتشىلار 3 وليمپيادالىق ەمەس سپورت ءتۇرى: ۋ–شۋ, جەكپە-جەك جانە ينتەللەكتۋالدى ۇستەل ويىندارىندا دا جارىسقا شىعادى.
سپورت جانە دەنە شىنىقتىرۋ ىستەرى كوميتەتىنىڭ توراعاسى ەربول مىرزابوسىنوۆتىڭ مالىمدەۋىنشە, ازيا ويىندارىنا 524 قازاقستان سپورتشىسى قاتىسادى, كەيبىر سپورت تۇرلەرى بويىنشا مەدال الۋ مۇمكىندىگى باسقالارعا قاراعاندا جوعارى.
ء«بىز ءۇشىن سپورتشىلارعا بارىنشا قولايلى جاعداي تۋعىزۋ ماڭىزدى. ول ءۇشىن بارلىق قاجەتتى جۇمىستى ىستەدىك. ازيادادا سپورتتىڭ 8 تۇرىنەن: بوكس, ساداق اتۋ, قازىرگى بەسسايىس, ءجۇزۋ, برەيكينگ, كوگالداعى حوككەي, تەننيس پەن جەڭىل اتلەتيكادان پاريج وليمپياداسىنا ليتسەنزيا ويناتىلادى», دەدى ەربول مىرزابوسىنوۆ.
