جاڭا ءپان

عىلىم جانە جوعارى ءبىلىم مينيستر­لىگىنىڭ مالىمەتىنشە, ۆەدومستۆو ستۋدەنت­تەردىڭ قار­جىلىق ساۋاتىن ارت­ت­ىر­ۋعا ەرەكشە كوڭىل بولەدى. وسىعان وراي مينيستر ساياسات نۇر­بەك­تىڭ توراعالىعىمەن ەل جاستارى اراسىندا قارجىلىق ساۋاتتى ارتتىرۋ بويىنشا كەڭەس ءوتتى. وعان اتالعان ۆەدومستۆونىڭ, «اmanat» پارتياسىنىڭ, قارجى نارى­عىن رەت­تەۋ جانە دامىتۋ اگەنت­تى­گىنىڭ, Narxoz ۋنيۆەر­سيتەتىنىڭ وكىلدەرى جانە ستۋدەنتتىك ومبۋدسمەندەر قاتىستى. جيىندا س.نۇربەك قارجى قىزمەتتەرىنىڭ قارقىندى دامىپ جاتقانىن, ءتۇرلى ءونىمدى ونلاين فورماتتا جانە جاڭا تسيفرلىق تەحنولوگيالار ارقىلى ساتىپ الاتىن قازىرگىدەي ۋاقىتتا حالىقتىڭ, ونىڭ ىشىندە جاستاردىڭ قارجىلىق ساۋاتتىلىعى ماڭىزدى ەكەنىن ايتتى.

– مەملەكەت باسشىسى ازاماتتاردىڭ قۇ­قىقتىق جانە قارجىلىق ساۋاتتى­لىعىن جۇيە­لى تۇردە ارتتىرۋدى جۇكتە­دى. وسى جىل­­­دىڭ ءساۋىر ايىنان باستاپ ەلىمىزدەگى جوعا­­رى وقۋ ورىندارىنىڭ بارىندە «قارجى­لىق ساۋاتتىلىق» كۋرسى بويىنشا ءدارىس ساباق­تارى وتكىزىلىپ كەلەدى. دارىس­تەر بارى­سىندا وسى باس­تا­مانىڭ وزەكتىلىگى, اتاپ ايتقاندا, ستۋدەنتتەردىڭ كرەديت الۋى­نىڭ كوبەيۋى, جەكە قارجىنى باسقارۋ داعدى­لارىنىڭ بولماۋى انىقتالدى. سوندىقتان ءبىز بۇل ءپاندى ءبىلىم بەرۋ باعدارلاماسىنا ەنگىزۋ تۋرالى شەشىم قابىلدادىق, – دەدى س.نۇربەك.

كەڭەسكە قاتىسقان «اmanat» پارتيا­سى­نىڭ حاتشىسى ەلدار جۇماعازيەۆ ستۋدەنت­تەردىڭ 80 پايىزىندا كرەديت بارىن جەتكىزدى.

– قازىر ەلىمىزدە 1,5 ملن ادام قارىز­دار بويىنشا تولەمدەردى 90 جانە ودان دا كوپ كۇنگە كەشىكتىردى. سونىڭ ىشىندە ستۋدەنت­تەردىڭ 80 پا­يىزىندا نەسيەلەر مەن شاعىن نەسيەلەر بار. بۇل – وتە وزەكتى ماسەلە. ستۋدەنت­تەر­دىڭ نەسيە الۋى, اسىرەسە وڭىرلەردە كوپ بايقالادى. ءبىز عىلىم جانە جوعا­رى ءبىلىم مينيسترلىگىمەن بىرلەسىپ, اتال­عان جاستاردى انىقتاپ, ولاردى قار­جىلىق, قۇقىقتىق ساۋاتتىلىققا ۇيرە­تۋ, سونداي-اق ءوز بيزنەسىن اشۋعا كومەكتەسۋدى ماقسات ەتىپ وتىرمىز. «اmanat» پارتياسى بورىشكەرلەر سانىنىڭ كوبەيۋىنە جول بەرمەۋگە جانە بولاشاقتا ەل تۇرعىندارىنىڭ ءومىر ءسۇرۋ دەڭگەيىن جاقسارتۋعا ارنال­عان «قارىزسىز قوعام» اۋقىمدى الەۋمەتتىك جوباسىن ىسكە اسىرىپ جاتىر. جوبانىڭ ناتيجەسىندە وسى كۇنى ەلىمىزدىڭ سەگىز ءوڭىرىنىڭ 40 مىڭعا جۋىق تۇرعىنى 5 كۇندىك وقۋدان ءوتىپ, وزدەرى­نىڭ بيزنەس-جوبالارىن ازىرلەدى, – دەدى ە.جۇماعازيەۆ.