ەلىمىزدە پوليتسەيلەرگە پارا ۇسىنعانى ءۇشىن قىلمىستىق كودەكستىڭ 367-بابى بويىنشا قىلمىستىق جاۋاپكەرشىلىك كوزدەلگەن. وسى باپتىڭ سانكتسياسىمەن ايىپپۇل وتەۋى نە بەس جىلعا دەيىن باس بوستاندىعىنان ايىرىلۋى مۇمكىن.
وتكەن جىلى پوليتسيا قىزمەتكەرلەرىنە پارا ۇسىنعان 103 ازامات انىقتالدى, ال وسى جىلى وسىنداي 99 فاكتى تىركەلدى.
«پارا بەرۋشىلەردىڭ كوبىنە پارا سوماسىنىڭ 20-دان 30-عا دەيىن ەسەلەنگەن مولشەرىندە ايىپپۇل سالىندى. ال كەيبىرەۋلەرى باس بوستاندىعىنان ايىرۋدىڭ ناقتى مەرزىمدەرىنە سوتتالدى. وكىنىشكە قاراي, كوبىنەسە پاراقورلىققا باستاماشىلىقتى ادامداردىڭ, اسىرەسە كولىك جۇرگىزۋشىلەرىنىڭ وزدەرى جاسايدى, ولار وسىنداي جولمەن زاڭمەن بەلگىلەنگەن جاۋاپكەرشىلىكتەن قۇتىلۋعا تىرىسادى», دەدى ادىلعوجا قۇسايىنوۆ.
ونىڭ ايتۋىنشا, پروباتسيا قىزمەتىنىڭ قىزمەتكەرىنە 10 مىڭ تەڭگە مولشەرىندە پارا ۇسىنعانى ءۇشىن الماتى قالاسىنىڭ تۇرعىنى, بۇرىن سوتتى بولعان ازامات 2 جىل 6 اي باس بوستاندىعىنان ايىرىلدى.
«تۇركىستان وبلىسىندا اكىمشىلىك جاۋاپكەرشىلىككە تارتپاۋ فاكتىسى بويىنشا پوليتسيا ءبولىمى باستىعىنىڭ ورىنباسارىنا 50 مىڭ تەڭگە پارا بەرگەنى ءۇشىن ەر ادامعا 750 مىڭ تەڭگە ايىپپۇل سالىندى. استانا تۇرعىنىنا 562 مىڭ تەڭگەگە ايىپپۇل سالىندى, ول كولىك قۇرالىن ماس كۇيىندە باسقارعانى ءۇشىن جاۋاپكەرشىلىكتەن قۇتىلۋ ءۇشىن پاترۋلدىك پوليتسەيگە 50 مىڭ تەڭگەنى «كاسپي» ارقىلى اۋدارعان. پاراساتتى جانە سىبايلاس جەمقورلىققا قارسى تۇراقتى پوليتسەيسىز قۇقىقتىق ءتارتىپ سالاسىندا ازاماتتارمەن سەرىكتەستىك قاتىناستار ورناتۋ مۇمكىن ەمەس», دەدى ءا.قۇسايىنوۆ.
