استانانىڭ بالاباقشاعا قاتىستى يگى باستاماسى

استانا قالالىق ءبىلىم باس­قار­ماسىنىڭ حابارلاۋىنشا, بۇل باستاما ەل پرەزيدەنتى قاسىم-جومارت توقاەۆتىڭ «ادى­لەتتى قا­زاقستان: ءبارىمىز جانە ارقاي­سى­مىز ءۇشىن. قازىر جانە ءاردايىم» سايلاۋالدى باعدارلاماسىن ىسكە اسىرۋ ماقساتىندا قولعا الىنعان. اتا-انالار جاعىمدى جاڭالىقتى قۋانىشپەن قابىلدادى.

– كوپبالالى وتباسىنىڭ ۇل-قىزدارى بالاباقشاعا تەگىن بارادى, ولاردىڭ تاماعىن مەملەكەت تولەپ بەرەدى دەگەندى ەستىپ قۋانىپ جاتىرمىز. شىنى كەرەك, 21 مىڭ تەڭگە كەي وتباسىنىڭ قالتاسىنا ايتارلىقتاي سالماق تۇسىرەدى. ونى تولەۋگە قينالاتىندىقتان, كەزەگى كەلىپ تۇرعان بالاسىن بالا­باقشاعا امالسىز اپارا الماي وتىرعانداردى دا كورىپ ءجۇرمىز. ويتكەنى بالا­نىڭ تاماعىنان بو­لەك باسقا دا قاجەتتىلىگىنە قاراجات ­كەرەك. ونىڭ ۇستىنە كەيدە ءبىر ۇي­دەن 2-3 بالا بالاباقشاعا بارۋى مۇم­كىن. مۇندايدا اتا-انالار­دىڭ شى­عىنى ءتىپتى كوبەيەدى. بۇل وتبا­سىلىق بيۋدجەتكە اجەپتاۋىر سال­ماق. ال ۇسىنىلىپ وتىرعان قامق­ورلىق – كوپ بالالى, جاعدايى تومەن وتباسىلارعا ايتارلىقتاي كومەك. ەندى وسى كومەكتى الۋ ءۇشىن نە ىستەۋ كەرەك؟ قالاي ارەكەت ەتۋ قاجەت؟ بۇل جوبا قاشانعا دە­يىن جالعاسادى؟ قۇجاتتاردى قابىل­داۋدىڭ ارنايى ۋاقىتى بەلگى­لەنگەن بە؟ وسى سۇراقتارعا جاۋاپ تاپپاي ەلەڭدەپ جاتقان جايىمىز بار, – دەيدى ەركەبۇلان.

استانا قالالىق ءبىلىم باسقار­ماسىنىڭ باسشىسى قاسىمحان سەن­عازىەۆ باستامانىڭ جاي-جاپ­سارىن ءتۇسىندىرىپ بەردى.

– استانا قالاسى اكىمدىگىنىڭ 2023 جىلعى 12 شىلدەدەگى قاۋلىسى نەگىزىندە وسى ايدان باستاپ مەكتەپكە دەيىنگى تاربيە مەن وقىتۋعا ارنالعان مەملەكەتتىك ءبىلىم بەرۋ تاپسىرىسى ورنالاستىرىلعان مەكتەپكە دەيىنگى ءبىلىم بەرۋ ۇيىم­دارىنداعى 6 مىڭنان استام تار­بيەلەنۋشى تەگىن تاماقتانادى. مۇنداي مۇمكىندىك كەلەسى سانات­تارعا جاتاتىن بالالارعا بەرىلە­دى: جەتىم بالالار مەن اتا-اناسى­نىڭ قامقورلىعىنسىز قالعان با­لالار, دامۋ مۇمكىندىكتەرى شەك­تەۋلى بالالار, كوپبالالى وتبا­سىنىڭ بالالارى, اتاۋلى الەۋمەتتىك كومەك الۋ­عا قۇقىعى بار وتباسىنىڭ بالالا­رى, مەملەكەتتىك اتاۋلى الەۋمەتتىك كومەك المايتىن, بىراق جان باسىنا شاققانداعى ورتاشا تابىسى ەڭ تومەنگى كۇنكورىس دەڭگەيىنەن تومەن وتباسىنىڭ بالالارى. قازىرگى تاڭدا بالا­باقشالاردان 6 409 ءوتىنىش كەلىپ ءتۇستى, – دەدى قاسىمحان سەنعازىەۆ.

ءبىلىم باسقارماسىنىڭ اقپا­راتىنا سۇيەنسەك, اتا-انا مەكتەپكە دەيىنگى ۇيىمدارعا جانە تولىق كۇن بولاتىن شاعىن ورتالىقتارعا باراتىن بالاسىنىڭ تاماعىنا اي سايىن 20 800 تەڭگە تولەۋگە ءتيىس. ەندى جوعارىداعى ساناتقا جاتاتىن بالالاردىڭ اتا-انالارى بۇل تولەمنەن بوساتىلادى.

– جوبا 2023 جىلعى 1 قىر­كۇ­يەكتەن باستاپ كۇشىنە ەندى جانە 2026 جىلعى 31 جەلتوقسانعا دەيىن جالعاسادى. مۇنداي مۇمكىن­دىك­تى الۋ ءۇشىن ءتيىستى سانات­تار­عا جاتاتىن اتا-انالار بالا­سى (مەم­لە­كەتتىك ءبىلىم بەرۋ تاپ­سىرىسى ور­نالاستىرىلعان مەك­تەپكە دەيىنگى ءبىلىم بەرۋ ۇيىم­دارىنا, تولىق كۇن بولاتىن شاعىن ورتالىقتارعا) ­باراتىن بالا­باقشانىڭ اكىمشى­لىگى­نە جۇگىنىپ, ءوتىنىش جازۋى كەرەك. ءوتىنىش جازىپ, كومەك الۋدىڭ ناقتى, ياعني شەكتەۋلى ۋاقىتى جوق. كەز كەلگەن كۇنى جۇمىس ۋاقىتىندا بارسا, قابىلداي بەرەدى, – دەپ ناقتىلادى باسقارما باسشىسى.

ەلورداداعى 300 بالاعا لا­يىق­تالعان №98 «ميراس» بالا­باقشاسىنىڭ جانىنان بالا سانى­نىڭ كوپتىگىنە بايلانىستى تو­لىق كۇن بولاتىن شاعىن ورتالىق اشىل­عان. وسى بالاباقشا مەن ورتا­لىقتان 84 بالا اتالعان كو­مەككە ىلىگىپ وتىر. مەكتەپكە دە­يىنگى ۇيىم باسشىسى الماگۇل جەت­كەرگەنقىزىنىڭ ايتۋىنشا, مۇنداي بالالاردىڭ سانى ءالى دە ارتادى. ويتكەنى مەكتەپكە دەيىنگى ۇيىم اكىمشىلىگى تەك ءبىر عانا سانات بويىنشا قۇجات جيناپ ۇلگەرگەن.

– بۇگىندە بالاباقشاداعى 300, شاعىن ورتالىقتان 100 با­لا­عا تار­بيە مەن ءبىلىم بەرىپ وتىر­مىز. 400 تاربيەلەنۋشىدەن كوپ­با­لا­لى وتباسىنىڭ 84 بالاسى ەندى بالا­باقشاعا تەگىن كەلەدى. اتا-انا­لار­عا وسىنداي جا­ڭالىقتى جەت­كى­زىپ, قۇجاتىن سۇرات­قاندا بالاشا قۋان­عانىن كوردىك. نارىقتىق زاماندا 21 مىڭ تەڭگە قوماقتى قار­جى بولىپ كورىنبەۋى مۇمكىن. دەسە دە مۇنداي قامقورلىق كوپ بالاسى بار اتا-انالارعا اجەپتاۋىر كومەك بولاتىنى ءسوزسىز. ەكى اپتانىڭ ىشىندە كوپبالالى وتباسىلاردان قۇجات جيناپ, وتكىزىپ ۇلگەردىك. ەندى الداعى ۋاقىتتا باسقا ساناتقا كى­رە­­تىندەردەن جينايمىز. سوندا كو­مەك الۋشىلاردىڭ سانى قازىر­گى­دەن كوبەيەدى. كوپبالالى وتباسى ەكەنىن انىقتايتىن قۇجاتتى «كاسپي» قوسىمشاسىنان الۋ وڭاي بولعاندىقتان, وسى ساناتتان باستادىق. ەندى باسقا ساناتتار ءۇشىن قۇجات جيناۋعا كىرىسەمىز, – دەيدى الماگۇل جەتكەرگەنقىزى.

ەسكە سالا كەتەيىك, پرەزيدەنت­تىڭ «ادىلەتتى قازاقستان: ءبارى­مىز جانە ارقايسىمىز ءۇشىن. قازىر جانە ءاردايىم» سايلاۋالدى باع­دارلاماسىندا «قولجەتىمدى جانە ساپالى ءبىلىم» دەگەن ءبولىم بار. سول بولىمدە وسى ءبىر باستاماعا قاتىستى: «ەلىمىزدە 6,5 ميلليون بالا بار. ولاردىڭ بارىنە تۇر­عان جەرىنە جانە قاي تىلدە وقي­تىنىنا قاراماستان, ىرگەلى ءبىلىم, تسيفرلىق تەحنولوگيا, جايلى ءبىلىم ينفراقۇرىلىمى تەڭ دارەجەدە قولجەتىمدى بولۋعا ءتيىس. وسى ماق­ساتتا الەۋمەتتىك وسال توپ سا­ناتىنداعى وتباسىنىڭ بالا­لارى بالاباقشادا تەگىن تاماق­تانادى جانە باستاۋىش سىنىپ وقۋشىلارىنىڭ بارلىعى تەگىن ىستىق تاماقپەن قامتاماسىز ەتى­لەدى», دەپ جازىلعان.

ازىرشە مۇنداي باستامانى تەك استانا قالاسىنىڭ اكىمدىگى عانا قولعا الىپ وتىر. جاقسى جوبا وزگە وڭىرلەردە دە جالعاسسا, نۇر ۇس­تىنە نۇر بولار ەدى.