فوتو: مادەنيەت جانە اقپارات مينيسترلىگى
حالىقارالىق سامميت ەكى جىلدا ءبىر رەت وتكىزىلەدى جانە ساياساتكەرلەر, ساراپشىلار, ءدىن, بيزنەس, عىلىم مەن باق وكىلدەرى دەموگرافيا, وتباسى ينستيتۋتىنا اسەر ەتەتىن نەگىزگى ماسەلەلەردى تالقىلايتىن الاڭ سانالادى.
بيىلعى ءىس-شاراعا 60 ەلدىڭ وكىلدەرى قاتىستى. ماجارستان تاراپىنىڭ شاقىرۋىمەن سامميت جۇمىسىنا قازاقستان رەسپۋبليكاسىنىڭ مادەنيەت جانە اقپارات ءمينيسترى, قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى ا.ع. بالاەۆا قاتىستى. مينيستر ماجارستان, كاتار, تۇركيا, سەربيا, سلوۆەنيا, ماروككو, ەكۆادور جانە باسقا دا بىرقاتار ەلدەردىڭ وكىلدەرىمەن بىرگە مينيسترلەردىڭ ينتەراكتيۆتى پانەلدىك سەسسياسىندا ءسوز سويلەدى.
ايدا بالاەۆا ءوز سوزىندە: «جاس ۇرپاق ءدال وسى وتباسىلىق ينستيتۋتى قۇندىلىقتارىن, سۇيىسپەنشىلىك پەن قامقورلىقتى سىڭىرەدى, سونىڭ ارقاسىندا جاستار بولاشاقتا ءوز شاڭىراعىن كوتەرۋ ءۇشىن وزدەرىن قاۋىپسىز ءارى مىقتى سەزىنە الادى. قازاقستان – كوپ ەتنوستى مەملەكەت. ەلدە 100-دەن استام ەتنوس پەن 18 ءدىني كونفەسسيا وكىلدەرى تۇرادى. قازاقستان - جاستاردىڭ ەلى, قازاقستاندىقتاردىڭ ورتاشا جاسى – 32 جاس. جاستار حالىقتىڭ 30%-ن قۇرايدى. دەموگرافتار تاۋەكەلدەرگە توقتالادى, دەسە دە ءبىز مەملەكەتتەگى جاستىقتىڭ ەنەرگياسىن دامۋ مۇمكىندىكتەرىنە اينالدىرۋ ءۇشىن قولدان كەلگەننىڭ ءبارىن سالامىز. بۇعان قازاقستان پرەزيدەنتى قاسىم-جومارت توقاەۆ بارىنشا نازار سالىپ وتىر», دەپ مەملەكەتتىڭ تۇراقتى دامۋى ءۇشىن وتباسى ينستيتۋتىنىڭ ماڭىزدىلىعىنا توقتالدى.
سونىمەن قاتار مينيستر قازاقستاننىڭ وتباسىلىق-دەموگرافيالىق ساياساتىن قالىپتاستىرۋدىڭ ينستيتۋتسيونالدىق نەگىزدەرىن, ونىڭ ىشىندە رەفورمالار مەن الەۋمەتتىك قولداۋ جۇيەسىن دامىتۋ تۋرالى ەگجەي-تەگجەيلى ايتىپ بەردى. سونداي-اق بالالاردى تاربيەلەۋ پروتسەسىنە ەلەۋلى اسەر ەتەتىن پروبلەمالارعا توقتالىپ, ولاردى قازاقستاندا شەشۋ بويىنشا قابىلدانىپ جاتقان شارالار تۋرالى ايتتى. بالالاردى تاربيەلەۋ پروتسەسىنە تىكەلەي اسەر ەتەتىن پروبلەمالارعا توقتالىپ, قازاقستان جاعدايىندا شەشۋ جولىنداعى قابىلدانىپ جاتقان شارالاردى باياندادى.
ايدا بالاەۆا كەلەسى سامميتتە جاڭا مەديانىڭ قۇندىلىق باعدارلارىن قالىپتاستىرۋعا اسەرى جانە زاماناۋي سىن-قاتەرلەردىڭ الدىن الۋداعى وتباسىنىڭ ءرولىن ارتتىرۋ تاقىرىپتارىن تالقىلاۋدى ۇسىندى. ءمينيستردىڭ ايتۋىنشا, بۇل فاكتورلار سامميت سپيكەرلەرىنەن بىرنەشە رەت ەستىلىپ, نازار اۋدارۋدى قاجەت ەتەدى.
سامميت اياسىندا ۆەنگريانىڭ مادەنيەت جانە يننوۆاتسيالار ءمينيسترى يا. چاكپەن جانە ءازىربايجان ۇلتتىق جينالىسىنىڭ توراعاسى س.گافاروۆامەن ەكىجاقتى كەزدەسۋلەر ءوتتى.
تاراپتار ەكىجاقتى ىنتىماقتاستىق ماسەلەلەرىن تالقىلاپ, ەكى ەلدىڭ وتباسىلىق-دەموگرافيالىق سالا مەن مادەني-گۋمانيتارلىق قاتىناستار سالاسىنداعى ءوزارا ءىس-قيمىلىن ارتتىرۋعا ۋاعدالاستى.
