فوتو: ۋن ورال اپتالىعى سايتى
ءۇش اۋدان ورتالىعىندا – قاراتوبە, بوكەي وردا جانە تاسقالادا اكىمدەردىڭ پيلوتتىق سايلاۋىن وتكىزۋگە بارلىق دەپۋتاتتار «جاقتاپ» داۋىس بەردى.
«اكىمدەردى تىكەلەي سايلاۋ جەرگىلىكتى دەموكراتياعا جاسالعان قادام. سانالى تاڭداۋ بولۋى كەرەكتىگىن حالىققا ءتۇسىندىرۋ قاجەت. ادامدار اكىمدى وزدەرى ءۇشىن تاڭدايدى, سودان كەيىن ودان حالىق يگىلىگى ءۇشىن نە ىستەپ جاتقانىن سۇراۋعا بولادى», دەگەن دەپۋتات مەرەكە عابدۋاليەۆ سايلاۋ نەعۇرلىم اۋقىمدى بولسا, اۋدانداردا حالىق اكىمدەرىنىڭ پايدا بولۋ ىقتيمالدىعى سوعۇرلىم جوعارى بولاتىنىن, سونىمەن قاتار, ء«وزىن – ءوزى ۇسىنۋ» ۇعىمى بويىنشا ءوزىن-ءوزى ۇسىنۋشىلار, بەلسەندى ازاماتتىق ۇستانىمى بار جانە ءتيىستى ءبىلىمى بار پارتيالىق ەمەس ادامدار سايلاۋعا قاتىسا الاتىنىن اتاپ ءوتتى.
ءۇش اۋدان اكىمدەرىنىڭ پيلوتتىق سايلاۋى 5 قاراشادا قاراتوبە, تاسقالا, بوكەي وردا اۋداندارىندا وتەدى.
