«بۇل ماسەلە جونىندە الۋان ءتۇرلى پىكىر ايتىلىپ, جازىلىپ جاتىر, ونى ءبارىڭىز بىلەسىز. ءبىز زايىرلى مەملەكەتتە ءومىر سۇرەمىز, كونستيتۋتسيامىزدا ءدىن بوستاندىعى بار. ءوزىنىڭ ءدىني ءراسىمىن جاسايمىن دەگەن ءاربىر ادامدارعا ەشقانداي شەكتەۋ جوق. قازاقستان ازاماتتارى قاي ءدىندى ۇستانىپ, مەشىتكە, شىركەۋگە باسقا دا ءدىني ورتالىقتارىنا بارىپ راسىمدەرىن وتكىزۋگە قۇقىلى.
ەندى حيدجاب ماسەلەسىنە كەلسەك, ءبىلىم وشاعىن ساياسي نە ءدىني اعىمداردىڭ ورداسىنا اينالدىرماۋمىز كەرەك. ول ءبىلىم ورداسى, وقۋشىلار وندا تەك ءبىلىم الادى. سوندىقتان وقۋشىلاردى دا, مۇعالىمدەردى دە باسقا ماسەلەگە الاڭداتپاعانىمىز دۇرىس. مينيسترلىكتىڭ بەكىتكەن ستاندارتى بويىنشا ارنايى مەكتەپ فورماسى بار. سول ستاندارت ساقتالۋى ءتيىس. بالالار وزدەرى كامەلەتتىك جاسقا تولعاندا قانداي كيىم كيەتىنىنە تاڭداۋ جاسايدى», دەدى ءماجىلىس سپيكەرى.
