«بۇگىندە قىلمىستىق جانە ازاماتتىق ىستەردىڭ نەبارى 5 پايىزى عانا كاسساتسياعا جولدانادى. بۇل وتە از جانە ازاماتتاردىڭ سۇرانىسىنا سايكەس كەلمەيدى. سوندىقتان زاڭگەرلەر جانە كاسىپكەرلەر قوعامداستىعىمەن ءوز الدىنا بولەك كاسساتسيالىق ينستانتسيا قۇرۋ ماسەلەسى جونىندە كەڭەس وتكىزۋ قاجەتتىگى ءپىسىپ جەتىلدى دەپ ويلايمىن. سۋديالار كورپۋسى بۇل قادام ازاماتتاردىڭ قۇقىقتارىن ساپالى قورعاۋعا مۇمكىندىك بەرەدى دەپ سانايدى.
پرەزيدەنت اكىمشىلىگى بۇل ماسەلەنى قولعا الادى. كاسساتسيالىق سوتتى قۇرۋ جونىندە ورتاق پىكىرگە كەلسەك, سوت جۇيەسىنىڭ بيۋدجەتىن ۇلعايتۋعا جول بەرمەيمىز. بيزنەستىڭ زاڭدى مۇددەسىن ساقتاۋ جانە قورعاۋ – بۇل ءبىزدىڭ باستى مىندەتىمىز», دەدى پرەزيدەنت.
مەملەكەت باسشىسىنىڭ ايتۋىنشا, اكىمشىلىك ادىلەتتى ايتارلىقتاي كۇشەيتىپ, ونىڭ قولدانىس اياسىن كەڭەيتۋ قاجەت.
«بۇگىندە سوت شەشىمدەرىنىڭ 60 پايىزدان استامى ازاماتتار مەن بيزنەستىڭ پايداسىنا شەشىلەدى (بۇرىن 15% پايىزدان كەم بولعان). بۇل وڭ ءۇردىس, ايتسە دە اسىراسىلتەۋشىلىككە جانە قۇبىلۋشىلىققا جول بەرۋگە بولمايدى. سونىمەن قاتار مەملەكەتتىك اپپاراتتىڭ بيزنەستى سوتقا جۇگىنۋگە ءماجبۇر ەتەتىن كەمشىلىكتەردى تۇزەتۋ جۇمىستارى ءتيىستى دەڭگەيدە جۇرگىزىلمەيدى», دەدى قاسىم-جومارت كەمەل ۇلى.
پرەزيدەنت ۇكىمەتكە جوعارعى سوتپەن جانە ۇلتتىق كاسىپكەرلەر پالاتاسىمەن بىرلەسىپ, مەملەكەتتىك ورگاندار قىزمەتىندەگى تەرىس ارەكەتتەرگە مۇقيات تالداۋ جاساۋعا جانە ولاردى جويۋ ءۇشىن پارمەندى شارالار قابىلداۋعا ءتيىس ەكەنىن ايتتى.
«قايتالاپ ايتامىن. مەملەكەتتىك اپپاراتتىڭ مىندەتى – ەلىمىزدەگى زاڭدى كاسىپكەرلىك قىزمەتكە جان-جاقتى كومەك كورسەتۋ. زاڭدى بۇزىپ, بيزنەسكە قانداي دا ءبىر كەدەرگى جاساۋ – مەملەكەتتىك سيپاتتاعى قىلمىس. مەن, پرەزيدەنت رەتىندە, قازاقستاندى بيزنەسكە, سونىڭ ىشىندە ءىرى, ورتا جانە شاعىن كاسىپكەرلىككە وتە قولايلى جاعداي جاسالعان ەلگە اينالدىرۋدى ءوز مىندەتىم دەپ سانايمىن», دەدى ەل پرەزيدەنتى.
