ماجىلىستە ترانسفەرت تۋرالى زاڭ جوباسى تانىستىرىلدى

زاڭ جوباسى بويىنشا ۇلتتىق ەكونوميكا ۆيتسە-ءمينيسترى ازامات ءامرين بايانداما جاساپ, كەپىلدىك بەرىلگەن ترانسفەرت مولشەرى 2024 جىلى باررەلىنە 43,4 اقش دوللارىن, ودان كەيىنگى جىلدارى باررەلىنە 40,2-41,8 اقش دوللارىن قۇرايتىن بيۋدجەتتىك ەرەجەلەرگە سايكەس كەسىمدى باعامەن انىقتالاتىنىن ايتتى.

«ۇلتتىق قوردان كەپىلدەندىرىلگەن ترانسفەرت جىل سايىن 2 ترلن تەڭگە مولشەرىندە ايقىندالدى. سونداي-اق ۇلتتىق قور پارامەترلەرىندە 2024 جىلعى 1 قاڭتاردان باستاپ ىسكە اسىرىلاتىن «ۇلتتىق قور بالالارعا» جاڭا الەۋمەتتىك باعدارلاماسى بويىنشا بالالارعا تولەمدەر مىندەتتەمەلەرى ەسكەرىلدى», دەدى ا.ءامرين.

ۇلتتىق قوردىڭ ۆاليۋتالىق اكتيۆتەرى 2024 جىلى 68 ملرد اقش دوللارى, 2025-2026 جىلدارى 80,7-93,3 ملرد اقش دوللارى دەڭگەيىندە بولجانىپ وتىر.

ءماجىلىستىڭ مالىمەتىنشە, وسى زاڭ جوباسى بويىنشا جۇمىس توبىنا قارجى جانە بيۋدجەت كوميتەتىنىڭ مۇشەسى مارحابات جايىمبەتوۆ جەتەكشىلىك ەتەدى. وتىرىس بارىسىندا ايتىلعان ۇسىنىس-پىكىرلەر ودان ءارى تالقىلانىپ, قاراستىرىلادى.