فەستيۆالدىڭ قىزىقتى ءوتۋى كورەرمەندەردى ماقال-ماتەل, جاڭىلتپاش, وزگە دە تانىمدىق ويىندارعا ارنايى ورتاعا شاقىرىپ, قاتىستىرۋىمەن ەرەكشەلەندى. سونىمەن قاتار جەرگىلىكتى قولونەر شەبەرلەرىنىڭ كورمەسى دە مادەني ءىس-شارانىڭ اجارىن اشتى.
ء«تىل – تۇتاستىق تۋى» فەستيۆالىندەگى تاعى ءبىر تاماشا ءىس اباي وبلىسىندا ءتىل ساياساتىن دامىتۋعا بەلسەندى ۇلەس قوسىپ جۇرگەن ءار اۋداننان كەلگەن ۇستازداردىڭ, مادەنيەت سالاسى ماماندارىنىڭ ماراپاتتالعانى بولدى. اباي وبلىستىق مادەنيەت, تىلدەردى دامىتۋ جانە ارحيۆ ءىسى باسقارماسى باسشىسىنىڭ مىندەتىن اتقارۋشى نازيرا تاسبولاتقىزى بەسقاراعاي اۋدانىنداعى ن.بايمۇراتوۆ اتىنداعى ورتا مەكتەپتىڭ قازاق ءتىلى مەن ادەبيەتى ءپانىنىڭ مۇعالىمى الفيسا شامسۋتدينوۆانى, بورودۋليحا اۋدانى م.اۋەزوۆ اتىنداعى ورتا مەكتەپ مۇعالىمى اسەل ىقىلاسوۆانى عىلىم جانە جوعارى ءبىلىم مينيسترلىگىنىڭ العىسحاتىمەن ماراپاتتاسا, وسى مينيسترلىكتىڭ ءتىل ساياساتى كوميتەتىنىڭ العىسحاتىن پاكىستان رەسپۋبليكاسىنىڭ ازاماتى, شاكارىم ۋنيۆەرسيتەتى فيلولوگيا فاكۋلتەتىنىڭ 2-كۋرس ستۋدەنتى ۋساما شاحيد مۋحاممادقا تابىس ەتتى.
ء«تىل ساياساتى كوميتەتىنىڭ تاراپىنان العىسحات الۋىم – مەن ءۇشىن زور مارتەبە. قازاق تىلىندە 70 پايىز شاماسىندا سويلەپ, جازا الامىن. بالالىق شاعىم 1998-2012 جىلدارى قىرعىزستاندا ءوتىپ, سول ەلدە 9-سىنىپ بىتىرگەن بولاتىنمىن. بىراق ءبىزدىڭ ەل قىرعىزستان مەكتەبىنىڭ اتتەستاتىمەن قابىلدامادى دا, ءبىراز جىل قايتادان وقۋعا تۋرا كەلدى. ءسويتىپ, 2018 جىلى مەكتەپتى ءسال كەشىگىپ ءبىتىردىم. قازىر جاسىم 26-دا. سەمەيگە كەلىپ, شاكارىم ۋنيۆەرسيتەتىنە وقۋعا ءتۇسىپ, قازىر ءار اۋداننان كەلگەن بالالارمەن تانىسىپ, كوبىمەن دوستاسىپ كەتتىم. بالالىق جانە جاستىق شاعىم ورتالىق ازيادا وتكەندىكتەن, كەلەشەكتە قازاق تىلىنەن اۋدارماشى بولىپ جۇمىس ىستەمەك ويىم بار. مەن قازاقستاندى جانە قازاق حالقىن شىن جۇرەكتەن جاقسى كورەمىن», دەيدى ۋساما شاحيد.
فەستيۆال اياسىندا ءبىر بايقاعانىمىز, جاستاردىڭ ونەرگە, سپورتقا, رۋحاني-مادەني سالاعا قاتىسۋعا ىنتاسى ارتا تۇسكەن. ساحنا تورىندە اباي اتىنداعى تەاتر ارتىستەرىنىڭ سومداۋىمەن احمەت بايتۇرسىن ۇلى, ءاليحان بوكەيحان جانە مىرجاقىپ دۋلات ۇلىنىڭ قازاق ەلىنە, بولاشاعىنا قاتىستى ءوزارا ويلارىن ورتاعا سالىپ, ۇلتىنىڭ تاعدىرىنا الاڭداۋشىلىعىن جەتكىزگەن ارنايى قويىلىم دا كورەرمەن جۇرەگىنە جول تاپتى.
اباي وبلىسى
