ەندى استانالىق ءوتىنىش بىلدىرۋشىلەر مەملەكەتتىك قولداۋ شارالارى جونىندە كەڭەس الا الادى, سونداي-اق جەكەلەگەن ماماندىقتار, اسىرەسە فريلانسەرلەرگە ارنالعان ماماندىقتار بويىنشا كۋرستان ءوتىپ, جۇمىس تابۋعا مۇمكىندىك اشىلىپ وتىر.
استانا اكىمى جەڭىس قاسىمبەكتىڭ مالىمەتىنشە, «Joltap» جوباسى اياسىندا ەلوردادا بارلىعى 10 «بارشاعا مۇمكىندىك» مودۋلدىك پۋنكتى جۇمىس ىستەيدى. ايتالىق, جاستار سارايى, «Ailand» سوو, «ۆسترەچا» ءسۇ, «ازيا پارك» سوو, «تۇلپار» سو سياقتى مەكەنجايلاردا العاشقى بەس مودۋلدىك بەكەتتەر جۇمىسىن باستاعان. مودۋلدىك بەكەتتەر كۇن سايىن ساعات 10.00-دەن 20.00-گە دەيىن جۇمىس ىستەيدى.
سونداي-اق قالا باسشىسى «Joltap» جوباسى مەملەكەت باسشىسىنىڭ ءونىمدى جۇمىس ورىندارىن قۇرۋعا الەۋمەتتىك ساياساتتىڭ قاجەتتىلىگى تۋرالى تاپسىرمالارىن ورىنداۋ ماقساتىندا جۇزەگە اسىرىلىپ جاتقانىن جەتكىزدى. ونىڭ ايتۋىنشا, جوبا تۇتاستاي العاندا قازىرگى الەۋمەتتىك رەفورمالارعا ءتيىمدى قوسىمشا بولىپ وتىر.
«جوباعا قوعامدىق تاماقتانۋ, ساۋدا, قۇرىلىس, كولىك جانە قىزمەت كورسەتۋ سالالارىنداعى ءىرى بيزنەس وكىلدەرى مەن سالا كوشباسشىلارى جۇمىلدىرىلدى. ولاردىڭ ىشىندە «BI Group», «Magnum», «Marwin», «Shaurma Food» جانە ت.ب. بار. جوبانىڭ بىرلەسكەن وپەراتورى – «جاڭا مۇمكىندىك» قوعامدىق قورى. بارلىق مودۋلدىك بەكەتتى «حالىق» قورى ۇسىندى», دەيدى قالا اكىمى.
«Joltap» اياسىندا تۇرعىندار قالانىڭ بوس جۇمىس ورىندارى بار «Jumys Tap» Telegram-بوت سەكىلدى قۇرالدارىن پايدالانا الادى. سونىمەن قاتار شاعىن بيزنەس اشۋعا ارنالعان نەسيە بەرۋ باعدارلامالارى جونىندە ماماندىقتارى بويىنشا قىسقا-مەرزىمدى وقىتۋدان وتۋگە مۇمكىندىك بار.
«جوبانىڭ ماقساتى – حالىقتىڭ تابىسىنىڭ ءوسۋى ءۇشىن مۇمكىندىكتەردى تاڭداۋعا كومەك كورسەتۋ. وعان ءوز مانسابى مەن ءوزىن-ءوزى تاربيەلەۋ ءۇشىن جاۋاپكەرشىلىكتى الۋعا دايىن كەز كەلگەن ادام قاتىسا الادى», دەيدى ۇيىمداستىرۋشىلار.
